Baqytjan Saǵyntaev qazirgi ýaqytta suranysqa ıe dári-dármekterdiń qoljetimdi baǵada bolýy qaladaǵy koronavırýstyń jaǵdaıyn turaqtandyrý úshin mańyzdy pýnkt bolyp tabylatynyn atap ótti.
Parasetamol, ıbýprofen jáne quramynda parasetamol bar preparattarǵa suranystyń joǵarylaýyna baılanysty megapolıs dárihanalarynda osy preparattar boıynsha tapshylyq paıda boldy. Dári-dármekterdi iri jetkizýshilermen kelissóz júrgizgennen keıin parasetamol men ıbýprofen jetkizý máselesi sheshildi.
"Biz dárilik zattardy óndirýshilermen, iri jetkizýshilermen jáne dıstrıbıýtorlarmen Almaty qalasynyń dárihanalaryna dári-dármekterdi úzdiksiz jetkizý týraly kelisimge qol jetkizdik. Ol úshin farmasevtıkalyq kompanııalarmen kelisimge qol qoıylyp, 105 dárihananyń tizimi anyqtaldy (6 shilde kúni 2 dárihana qosyldy), olarǵa basym tártippen dári - dármekter jetkiziletin bolady", - dedi Baqytjan Saǵyntaev. Sonymen qatar, kelisimde dárihanalardyń baǵany kótermeýi jáne bir ataýdaǵy dári-dármekti bir qolǵa 3 birlikten artyq bermeý mindeti qarastyrylǵan.
5 shildedegi jaǵdaı boıynsha qalanyń dárihanalaryna 115 myń parasetamol, 30 myń termometr, 20 myń ıbýprofen, 35 myń ıngavırın jáne basqa dári-dármekter jóneltildi. 6 shilde kúni tańerteńnen bastap qosymsha 150 myń parasetamol men 50 myń termometrdi tıeý jumystary júrgizilýde. 8 jáne 12 shildede tıisinshe 80 myń jáne 850 myń parasetamoldyń qosymsha jetkizilimi kútilýde.
Baǵany baqylaý maqsatynda monıtorıng toby qurylyp, qalanyń belgili 105 dárihanasynda kún saıyn dári-dármek baǵasyna monıtorıng júrgizedi. Qalada dárilerdiń bar-joǵyna monıtorıng júrgizý maqsatynda, 29 maýsymda Almaty q.TQQSBD iri jetkizýshilerdi, óndirýshiler men dárihanalar jelilerin qoımalardaǵy jáne jetkiziletini kútiletin dári-dármekterdiń bar-joǵy jóninde durys aqparat berýdi mindetteıtin qaýly qabyldady.
Buǵan deıin aıtylǵandaı, búgingi tańda klınıkalarda dári-dármekterdiń qajetti qory bar, biraq pasıentter sanynyń ósýine, tósek qýattarynyń keńeıýine baılanysty birqatar preparattar boıynsha osy qorlardy ulǵaıtý qajettiligi bar. Bul máseleni qala ákimshiligi QR Densaýlyq saqtaý mınıstrligimen jáne "SK Farmasııa" JShS-men pysyqtaıdy. Aǵymdaǵy jyldyń shilde aıyna arnalǵan dári-dármekterdi jetkizý kestesi pysyqtaldy.
