"AQSh-taǵy qashyqtyqtan bilim berý: Sakramentodaǵy Kalıfornııa ýnıversıtetiniń úlgisinde" taqyrybynda onlaın-vebınar Abaı atyndaǵy QazUPÝ-da "Naqty derekter negizinde oqytýshylardy daıyndaý jáne uıymdastyrýshylyq mádenıet" halyqaralyq joba aıasynda ótti. Jobany Amerıka úkimeti tarapynan, halyqaralyq bilim berý jónindegi amerıkandyq keńestiń qoldaýymen U. S.-KAZAKHSTAN UNIVERSITY PARTNERSHIPS GRANTS baǵdarlamasy qarjylandyrady.
Vebınardy Halyqaralyq yntymaqtastyq departamentiniń halyqaralyq baǵdarlamalar jáne yntymaqtastyq bóliminiń bastyǵy, joba úılestirýshisi Baıan Saparǵalıeva júrgizdi. Spıker retinde joba úılestirýshisi, professor, Sakramentodaǵy Kalıfornııa shtaty ýnıversıtetiniń bilim berý kolledjiniń dekany Aleksandr Sıdorkın sóz sóıledi.
Aleksandr Sıdorkın Kalıfornııa shtatynyń ýnıversıteti týraly aıtyp berdi, ol Kalıfornııa shtatynyń astanasy Sakramento qalasynda ornalasqan, 30 000-ǵa jýyq stýdent oqıtyn memlekettik ýnıversıtet bolyp tabylady, ýnıversıtet shtattyń ekonomıkasynda suranysqa ıe jappaı mamandyqtardy daıyndap shyǵarady, atap aıtqanda, muǵalimderdi, ınjenerlerdi, polıseılerdi, býhgalterlerdi, áleýmettik qyzmetkerlerdi jáne t. b.
Spıker COVID-19 indetine baılanysty karantınge kóshkenge deıingi ýnıversıtettegi qashyqtyqtan bilim berý jaǵdaıy týraly aqparatty usyndy. 2020 j. naýryz aıynyń ortasynda AQSh ýnıversıtetteri onlaın bilim alýǵa kóshti. Sakramentodaǵy Kalıfornııa ýnıversıteti óziniń stýdentteri men muǵalimderine tehnıkalyq qoldaý kórsetip, oqytýshylardyń barlyq qajettilikterin qamtamasyz etip, olarǵa óz kýrstaryn onlaın bilim berýge aýystyrý úshin belgili bir ýaqyt berdi. Ýnıversıtet stýdentterdiń praktıkadan ótýine baılanysty erekshe máselelerdi sheshti. Oqytýshylar saýalnamasynyń qorytyndysy boıynsha oqytý aspektilerin qaıta qaraýǵa týra keldi jáne Stýdentterdiń jumysyn qalaı baǵalaýǵa bolady? Stýdentterge qandaı tapsyrmalar berý kerek? Kýrstyń mindetterin qalaı basqasha oılastyrýǵa bolady? degen sekildi suraqtar paıda boldy. Onlaın rejimde oqytýdyń sapasy máselesi kóterildi. Joǵary bilim berý júıesinde obektıvti quraldar bolmaǵandyqtan, oqytý sapasyn ólsheý óte qıyn. Ol oqytýshylar men stýdentterdiń sýbektıvti qabyldaýy arqyly ólshenedi. Ýnıversıtettiń pikirinshe, bilim berý sapasy tómendedi. Stýdentter bilim berý mekemesine ýnıversıtette bolý tájirıbesi úshin, jeke qarym-qatynas jasaý úshin keledi. Oqytýdaǵy jeke qarym-qatynas tájirıbesiniń ózindik jáne qoldanbaly qundylyǵy bar. Árdaıym bir-birimen áleýmettik, fızıkalyq turǵydan ózara is-qımyl jasasý túrindegi motıvasııa máselesi turady. Bilim alýdyń negizgi máni - aqparat jáne bilim alýda emes, jeke qarym-qatynas arqyly adamdar arasyndaǵy qarym-qatynas jasaýda bolyp tabylady.
Onlaın-vebınarǵa 90-ǵa jýyq qatysýshy qatysty, atap aıtqanda, Eýropa, Reseı, Qyrǵyzstan jáne Qazaqstan elderiniń joǵary oqý oryndarynyń ókilderi, olardyń ishinde: Tartý ýnıversıteti, Máskeý qalalyq pedagogıkalyq ýnıversıteti, Máskeý pedagogıkalyq memlekettik ýnıversıteti, Novosibir memlekettik pedagogıkalyq ýnıversıteti, L.N. Tolstoı atyndaǵy Týla memlekettik pedagogıkalyq ýnıversıteti, Pravoslavıelik Áýlıe Tıhonov gýmanıtarlyq ýnıversıteti, Astrahan memlekettik polıtehnıkalyq kolledjiniń ozyq kásibı daıyndyq ortalyǵy, M.M. Adyshev atyndaǵy Osh tehnologııalyq ýnıversıteti, Qazaq ulttyq pedagogıkalyq qyzdar ýnıversıteti, Amanjolova atyndaǵy Shyǵys Qazaqstan memlekettik ýnıversıteti, Taraz memlekettik ýnıversıteti, Qazaqstan-Nemis ýnıversıteti, M.Áýezov atyndaǵy Ońtústik Qazaqstan memlekettik ýnıversıteti, Pavlodar memlekettik pedagogıkalyq ýnıversıteti, AlmaU - Almaty Menedjment Ýnıversıteti, Ortalyq Azııa ýnıversıteti, Azamattyq avıasııa akademııasy, Jáńgir han atyndaǵy Batys Qazaqstan agrarlyq-tehnıkalyq ýnıversıteti, Qazaqstan-Reseı medısına ýnıversıteti, Narhoz Ýnıversıteti jáne Abaı atyndaǵy QazUPÝ.
Vebınar barysynda RBA akademıgi, p.ǵ. d., MPMÝ professory Aleksandr Djýrınskıı aralas bilim alýǵa eshteńe kedergi emestigin, onlaın-oqytý arqyly stýdenttiń, oqytýshynyń jeke baılanysy bir - birin tolyqtyratynyn atap ótti. Aleksandr Naýmovıch spıkerdiń eń jaqsy bilim - bul stýdentpen tikeleı qarym-qatynas túrinde alynatyn bilim degen sózimen kelisti.
MMPÝ rektory, p. ǵ. d., dosent Igor Remorenko spıker men áriptesterine vebınarǵa belsendi qatysqany úshin alǵysyn bildirdi, sonymen qatar mundaı onlaın vebınarlarǵa qatysý jeke paıymdaýdy ilgeriletetini týraly túsinik berdi. Igor Mıhaılovıch MMPÝ bilim berý mazmuny ınstıtýtynda qashyqtyqtan bilim berýge kóshý kezindegi bilim berý mazmunynyń ártúrli elementterin taldanǵandyǵy týraly aıtty. Keıbir kýrstar ujymdyq talqylaýdy, zııatkerlik modeldi birlesip qurýdy talap etedi. Kez-kelgen bilim kórý arqyly júzege aspaıdy, keıde bilim ıntellektýaldy eńserýdi, sınhrondy oqytýdy qajet etetin óz dúnıetanymdyq ustanymyn qaıta qurýdy qamtıdy. Bul ıntellektýaldy jeńisti dıalektıkalyq túrlený arqyly aıqyndalǵan pikirtalassyz iske asyrý múmkin emes. Bul turǵyda bilim týraly túsinik keńeıtilýi qajet jáne bul máselede qashyqtyqtan bilim berý jaqsy kómektesedi.
Abaı atyndaǵy QazUPÝ-dyń Sorbonna - Qazaqstan ınstıtýtynyń polıt.ǵyl. doktory, aǵa oqytýshy Aımen Qurmanǵalı spıkerge ózekti taqyrypty talqylaǵany úshin alǵys aıtyp, onlaın bilim berý bolashaqta elıtalyq bilim jáne oqytýshynyń eń úzdik baǵasy bolatyndyǵy týraly stýdenttiń pikirin jetkizdi.
Onlaın-kezdesýdi qorytyndylaı kele, oqytýshylar men stýdentterdiń qashyqtyqtan bilim berýge tartylý dárejesi úlken rólge ıe ekenin atap ótýge bolady, munymen jalpy bilim berý sapasy baǵalanady. Eger onlaın bilim berý qatysýshylary óz maqsattaryn jáne materıaldy ıgerýdegi ilgerileýdi kórgen bolsa, bul kýrstyń sátti bolǵandyǵyn bildiredi.
"Sonymen qatar, bir-birimen qarym-qatynas kezinde bilim berý stýdenttiń bilimine taralady. Qarym-qatynas - bul bilim berýdiń ózindik qundylyǵy. Adam ómiri - únemi soǵylyp otyratyn qarym-qatynas júıeleriniń qurylymy. Biz ústirt bilim berý deńgeıi joǵary adamdardyń óz ómirin jaqsy qalyptastyratynyn bilemiz, olardyń qarym - qatynas kapıtaly pándi bilý sekildi mańyzdy, bul olardyń ómirlik jetistigin túsindiredi" - dep vebınardy Aleksandr Sıdorkın aıaqtady.
