Ashylý saltanatyna qatysqan oblys ákiminiń orynbasary Sáken Qalqamanov elorda kúnine oraı Kentaý qalasynda birneshe nysan paıdalanýǵa berilgenin atap ótti. «Sonyń arasynda shoqtyǵy bıigi – bıyl mereıtoıy atalyp jatqan qazaqtyń maqtanyshy, uly danyshpany Abaıǵa arnalǵan eskertkishtiń ashylýy. Bul nysannyń kentaýlyqtarǵa, jastarǵa ıdeologııalyq, tárbıelik máni zor.
Osynda kentaýlyq jastar aqynnyń óleńderin, qara sózderin oqıtyn bolady. Búgin qalada ashylǵan jańa nysandar eldiń ıgiligine jaraı bersin», dedi Sáken Amangeldiuly. Sondaı-aq kentaýlyq zııaly qaýym ókilderi men aqsaqaldar jyly lebizderin jetkizdi. Jas aqyndar uly oıshylǵa arnap jyrlaryn oqydy.
Kentaý qalasynda, elorda kúnine oraı «Ustazdar alleıasy», kúrdeli jóndeýden ótken «Jastar saıabaǵy» paıdalanýǵa berildi.
Túrkistan oblysy
