Bul týraly Departament basshysynyń birinshi orynbasary Mıras Qarǵabaı bıylǵy birinshijartyjyldyq qorytyndylanǵan baspasóz brıfınginde málimdedi. Qoǵamda sybaılas jemqorlyqqa qarsy mádenıetti qalyptastyrý baǵytynda oblys kóleminde jyl basynan beri 50 myńǵa jýyq adamdy qamtyǵan 460-tan asa túrli baǵytta is - sharalar ótipti. Sondaı-aq brıfıng barysynda sybaılas jemqorlyqpen kúresti kúsheıtýge jáne onyń aldyn alý tıimdiligin arttyrýǵa baǵyttalǵan tyń bastamalar Departamenttiń janynan qurylǵan "Túrkistan – adaldyq alańy" jobalyq keńsesiniń negizinde iske asyp, qazirgi tańda kıeli óńirde ashyqtyq pen ádildikti qamtamasyz etetin birqatar jobalar júıeli jumys jasap jatqandyǵy aıtyldy.Bıyldyń 6 aıynda Departamenttiń jedel izdestirý is-sharalaryn júrgizý nátıjesinde, sotqa deıingi tergep-tekserýdiń biryńǵaı tizilimine jalpy sany 102 qylmys tirkelgen. Onyń ishinde sybaılas jemqorlyq qylmystar - 76, al jedel jolmen búgingi kúnge - 73 qylmystyq is anyqtalyp, byltyrǵy jylmen salystyrǵanda ósim baıqalǵan.
Sondaı - aq, Mıras Qarǵabaı ótken jyly bıýdjet qarajatyn jymqyrý deregi boıynsha - 12 qylmys tirkelgenin jáne jyl basynan beri anyqtalǵan qylmystardyń sany 14 - ke jetkendigin aıtty. Anyqtalǵan qylmystardyń negizinde memleketke keltirilgen zalaldyń jalpy quny 811,8 mln tengeni quraǵan, al onyń 805,9 mlnteńgesi memleket bıýdjetine qaıtarylý arqyly óndirilgen.
