"Bıyl 16 mektepti jóndeımiz. Qasbetin jańartyp, shatyryn jóndep, terezeler men edenderdi aýystyrý jáne t. b. qajet. Búgin birqatar oqý oryndarynyń, sonyń ishinde №3 mektep-gımnazııanyń jóndeý jumystarynyń barysymen tanystym. Qabyrǵalarda jaryqtar paıda bolǵan. Mekteptiń irgetasy otyra bastaǵan. Sonyń nátıjesinde mektepti sý basýda. Bıylǵy oqý jylynyń basynda bul máseleler sheshiledi", dep jazdy A.Kólginov óz ınstagram paraqshasynda.
Onyń aıtýynsha, "Jumyspen qamtýdyń jol kartasy" baǵdarlamasy aıasynda 16 mekteptiń 13-inde kúrdeli jóndeý júrgiziledi. Baǵdarlama boıynsha 15 myń jumys orny ashylady. Jumysqa ornalastyrý birinshi kezekte jumyspen qamtý ortalyǵy arqyly júrgiziledi.
"Sonymen qatar jańa mektepter salý boıynsha úlken jumystar atqaryp jatyrmyz. Bıyl 20 myń oqýshyǵa arnalǵan 12 mektep salamyz. Kelesi jyly 40 myń orynǵa eseptelgen sonsha mektep salynady. Oqý oryndaryn birinshi kezekte oryn tapshylyǵy bar jerlerde salýdamyz. Mektep qurylysyna jekemenshik ıelerinen ınvestısııa tartamyz", dep atap ótti A.Kólginov.
