Dárilik preparattardy azamattyq avıasııa komıtetiniń arnaıy borttarymen jedel jetkizý – QR Úkimetiniń naryqty áldeqaıda suranysqa ıe dárilermen shuǵyl tolyqtyrýda júzege asyryp otyrǵan sharalarynyń biri. Osyndaı reıster turaqty túrde dárilik naryqty qamtamasyz etý úshin jáne dárihana jelilerin qajetti preparattarmen únemi tolyqtyryp otyrý úshin júzege asyrylady.
Almaty qalasynyń Ákimdigimen, QR Densaýlyq saqtaý mınıstrligimen atalǵan medıkamentterdi jedel alý men júzege asyrýǵa járdemdesýde barlyq sharalar qolǵa alyndy.
QR Densaýlyq saqtaý mınıstrliginiń Taýarlar men qyzmetterdiń sapasy men qaýipsizdigin baqylaý komıtetiniń málimetteri boıynsha dárilik quraldar men preparattar deklarasııalaý jolymen úsh kún ishinde sertıfıkattalady.
"Bizdiń tarapymyzdan QR Úkimetine preparattardy sertıfıkattaý, jańa preparattardy jedel tirkeý jáne tez jetkizý prosedýralaryn jeńildetý usynysy jasaldy. Bul usynysty ekonomıkalyq ósimdi qamtamasyz etý jónindegi Memlekettik komıssııa qoldady. Osylaısha, biz medısınalyq preparattardy sertıfıkattaý men olardy jetkizýdegi prsedýralardyń jeńildetilýine qol jetkizdik. Osy sharalardyń bári qalany dárimen qamtamasyz etýge jáne jedel jetkizýge múmkindik beredi", - dep habarlady Almaty qalasy ákimdiginiń qalany dárilik preparattarmen qamtamasyz etý jónindegi úılestirýshi Zańǵar Sálimbaev. Sonymen birge, aǵymdaǵy jyldyń shilde aıynyń ortasynda Úndistannan eki partııa dári-dárimek keledi dep kútilýde.
Kelgennen keıin dárilik preparattar tórt iri farmasevtıkalyq kompanııalar arasynda odan ary dárihanalarǵa jetkizilý úshin bólinedi. Bul Medservıs plıýs» KFK JShS, "Hımfarm" AQ, "Nobel Almaty farmasevtıkalyq Fabrıkasy" AQ, INKAR jelileri.
"Hımfarm" AQ atap ótkendeı, vırýsqa qarsy preparattary bar júk memlekettiń jedel áýe jetkiziliminiń arqasynda Qazaqstanǵa jetti.
"Kompanııa barlyq qajetti sharalardy qolǵa aldy, jáne tek óz kásipornynda dári óndirý kólemin ulǵaıtyp qana qoıǵan joq, sonymen birge, Reseıdegi óziniń seriktesterimen – vırýsqa qarsy preparattar shyǵaratyn "Akrıhın" kompanııasymen baılanysqa shyqty, olar óndiretin vırýsqa qarsy preparattar qazaqstandyq "Hımfarm" AQ shyǵarylmaıdy. Osy seriktestiktiń jáne Máskeýden transporttyq áýe bortyn uıymdastyrýda eki memlekettiń kórsetken jedel qoldaýynyń arqasynda Qazaqstanǵa búgin "Oseltamıvır" vıýsqa qarsy prepattyń úlken partııasy bar reıs keldi. Atalǵan preparat dıstrıbıýtorlyq kompanııalarǵa dereý tıelip, elimizdiń dárihanalaryna jaqyn kúnderi jetkiziledi", - dep habarlady "Hımfarm" AQ.
Atap óterlik jaıt, RF-nan keletin júkten ózge Almatyǵa shildeniń sońyna deıin áleýmettik mańyzy bar shamamen 4,2 mln qaptama dári-dármek jetkiziledi dep kútilýde.
"Búgin biz Úkimettiń qoldaýy arqasynda Reseıden eki ushaqtyń kelýin kútýdemiz. Eń qajet preparattar jetkiziledi. Biz óte qajet dári-dármektiń 13 túrin jabamyz. Olar - azıtromısın, seftrıakson, ıbýprofen jáne basqalary. Úndistannan da jetkizilim josparlanǵan. Ushaqtar koronavırýs ınfeksııasyn emdeıtin preparattardy ǵana bizge tasymaldaıdy", - dedi «INKAR» JShS bas dırektory Álııa Erimbetova.
О́z kezeginde "NOBEL Almatınskaıa Farmasevtıcheskaıa Fabrıka" AQ shuǵyl túrde jetkizilgen preparattardyń barlyǵynyń pandemııaǵa qatysty ekenin atap ótti. Olardyń ishinde keń aýqymdy antıbıotıkter bar. Jetkizilgen preparattar odan ári tasymaldaý úshin dıstrıbterlerge beriletin bolady.
Eske sala ketý kerek, Almatyda qala ákimi Baqytjan Saǵyntaevtyń tapsymasy boıynsha dári-dármekterdi irkilissiz jetkizý úshin óndirýshilermen, iri jetkizýshilermen jáne dári-dármek dıstrıbıýterlerimen belsendi jumystar júrgizilýde. Barlyq farmkompanııalar 1 shildeden bastap dárihanalarǵa áleýmettik mańyzy bar 581 myń dana preparattardy jóneltti, olardyń ishinde parasetamol, aspırın, ıngavırın, ıbýprofen, azıtromısın jáne basqa dáriler, sonymen qatar termometrler bar.
Dári-dármekke degen suranystyń artýy barysynda qala ákimdigi, jetkizýshiler men dárihanalar jelisi ózara kelisimge qol qoıyp, nátıjesinde áleýmettik mańyzy bar dári-dármektiń 41 túri dereý jetkiziletin 105 dárihana anyqtalǵan bolatyn. Osynyń arqasynda dári-dármekterdi jetkizý, olardyń baǵasyn kótermeý jáne bir qolǵa úsh qaptamadan artyq dári bermeý máseleleri retke keltirilýde. Sonymen qatar, atalǵan 105 dárihanada dárilerdiń ótýine, olardyń 10 túriniń jáne termometrlerdiń qansha qalǵanyna kún saıyn monıtorıng júrgiziledi.
Budan ózge, búgin qala ákimi B. Saǵyntaev habarlaǵandaı, Almatyda dári dármektiń turaqty qoryn qurý úshin 5 mlrd teńge bólindi. Qarjy jetkizýshilerdiń aǵymdaǵy baǵa boıynsha 6-8 aıǵa dári-dármek satyp alýyna jáne olardy birtindep qubylmaly naryq barysynda ótkizýlerine baǵyttalǵan.
