Aımaqtar • 12 Shilde, 2020

Ákimdiktiń 30 qyzmettik kóligi emhanalarǵa berildi

272 ret

kórsetildi

1 mın

oqý úshin

Mańǵystaý oblysynyń ákimi Serikbaı Trumovtyń tapsyrmasymen búgin oblys ákimdiginiń 30 qyzmettik kóligi Aqtaý qalasyndaǵy emhanalarǵa berildi, dep habarlady Egemen.kz oblys ákiminiń baspasóz qyzmetine silteme jasaı otyryp.

Suńǵat ÁLIPBAI

Ákimdiktiń 30 qyzmettik kóligi emhanalarǵa berildi

Pandemııa kezinde mobıldik toptaǵy ýchaskelik dárigerler turǵyndardyń shaqyrtýyna endi osy kóliktermen barady. Emhanalardaǵykóliktiń jetispeýshiligin azaıtý úshin oblystyq ákimdiktiń qyzmettik kólikteri endi ýchaskelik dárigerlerdi tasıtyn bolady.

Qazirgi kezde ákimdik qyzmetkerleriniń bir bóligi onlaın rejıminde jumys isteıdi. Sol sebepti, memlekettik qyzmetkerler osy kólikter qazirgi kezde dárigerlerge qajet dep sanaıdy.

Aıta keteıik, oblystyq ákimdik kólikterdi dezınfeksııalaýdy, janar-jaǵarmaı̆ quıýdy, kólik júrgizýshilerin jeke qorǵanysh quraldarymen qamtý jáne t.b. shyǵyndardy óz moınyna aldy.

Aıta keteıik, memleket basshysy Qasym-Jomart Toqaev televızııalyq úndeýinde mobıldi toptardyń sany 3,5 myńǵa deıin arttyrý kerek degen bolatyn. Soǵan sáıkes óńirde de osyndaı toptar quryldy.