– Indettiń negizgi oshaqtary – Atyraý qalasy men Jylyoı aýdany. Osy eki jerde qaýipti indetke shaldyqqandar barlyq naýqastyń 85 paıyzyn qurap otyr. Al pnevmonııanyń 2174 jaǵdaıy tirkelgen. Sońǵy eki aıda jedel medısınalyq járdemdi shaqyrý 2 esege ósken. Munyń bári shuǵyl sharalar qabyldaýdy qajet etedi, – dedi Eraly Toǵjanov.
Osyndaı sebeppen, Atyraýda epıdemııalyq ahýaldy turaqtandyrý úshin qolǵa alynatyn sharalar jan-jaqty talqylandy. Birinshiden, Atyraýdan Almatyǵa, Aqtóbe men Mańǵystaýǵa qatynaıtyn jolaýshy poıyzdary toqtatyldy. Ekinshiden, meıramhanalar men dámhanalar, ashanalar men qoǵamdyq tamaqtaný oryndary, azyq-túlik emes dúkender úıge jetkizý qaǵıdatymen jumys isteýge kiristi. Úshinshiden, polısııa jáne oblystyq taýarlar men kórsetiletin qyzmetterdiń sapasy men qaýipsizdigin baqylaý departamentteri otbasylyq sharalardy ótkizýge salynǵan tyıymnyń saqtalýyn qadaǵalap, ony buzǵandardy anyqtap jatyr. Tórtinshiden, Energetıka mınıstrligi jergilikti atqarýshy organdarmen birge vahtalyq jumysqa keletinderdi úsh kún buryn turǵylyqty mekenjaıynda PTR-testten ótkizýi tıis. Bul tapsyrmanyń oryndalýyna jumys berýshiler jaýapty bolady.
Al Atyraý oblysynyń ákimdigi dárihanalardy birinshi qajettiliktegi dárilermen qamtamasyz etip, 20 shildege deıin ınfeksııalyq oryndardaǵy kereýet sanyn 350-ge deıin jetkizýi, mobıldi toptardyń sanyn 120-ǵa deıin kóbeıtýi, kıslorodtyq stansalar sanyn ulǵaıtýy qajet. О́ńirdegi, sonyń ishinde Jylyoı aýdanyndaǵy karantındik shekteý sharalarynyń saqtalýyn baqylaýǵa alýy kerek. Koronataksı qyzmetin uıymdastyryp, jeke klınıkalardy naýqastardy emdeý isine tartýy qajet.
Oblys ákimi Mahambet Dosmuhambetovtiń málimetinshe, qalalyq emhanalar janynan stasıonarlar jasaqtalyp, naýqastardy emdeý sharalary atqarylyp jatyr. Sall-ortalyq ashylyp, táýlik boıy bilikti mamandar turǵyndarǵa keńes berýde. Qazir oblysta 694 ınfeksııalyq, 895 provızorlyq, 2328 karantındik stasıonarlar jumys isteıdi. Búginde stasıonarlar 115 ókpeni jasandy jeldetý apparatymen, 29 rentgen apparatymen qamtylǵan. Sonymen birge, 4 kompıýterlik tomografııa bar. Emhanalar janynan 61 mobıldi top jasaqtalǵan. Olar koronavırýs ınfeksııasynyń sımptomsyz jáne jeńil túrimen aýyrǵandarǵa úı jaǵdaıynda ambýlatorlyq kómek kórsetýde.
Naýqastar shaqyrýynan qalmaıtyn jedel járdem stansasynyń ujymy bilikti áriptesinen aıryldy. Osy ujymdaǵy koronavırýs ınfeksııasymen kúres brıgadasynyń feldsheri 10 shildede eki jaqty pnevmonııadan kóz jumdy. Bul derekti oblystyq densaýlyq saqtaý basqarmasynyń basshysy Nurlybek Qabdyqaparov rastap otyr.
– О́ńirde qaýipti indetten medısına qyzmetkeriniń qaıtys bolǵan jaǵdaıy tirkeldi. Qaıtys bolǵan 48 jastaǵy feldsher koronavırýspen kúres brıgadasynda jumys istegen. Bul oqıǵa barlyǵymyzǵa aýyr tıdi. Ásirese medısına qyzmetkerleri úshin. Osy oraıda qansha qıyn bolsa da jumysyn adal atqaryp júrgen medısına qyzmetkerlerine basymdy ıemin. Densaýlyq saqtaý basqarmasynyń basshysy retinde olarǵa alǵysymdy bildiremin, – dedi N.Qabdyqaparov.
Dál qazir Atyraýǵa úreı ushyrǵan qaýipti indettiń betin qaıtaratyn bilikti dárigerlerdiń de, aýyrǵan janǵa shıpasy tıer dári-dármektiń de qajettigi aıqyn sezilip otyr. Bir sózben aıtqanda, jedel járdem kerek.
ATYRAÝ
