Kásipqoı boks • 14 Shilde, 2020

GGG josparda joq

152 ret kórsetildi

Golden Boy promoýterlik kompanııasy Meksıkanyń maqtanyshyna aınalǵan orta salmaqtaǵy álem chempıony Saýl «Kanelo» Alvarespen judyryqtasýy múmkin bolǵan boksshylardyń esimin atady.

Birden aıtaıyq, meksıkalyqtyń qar­sy­lastary tiziminde otandasymyz Gen­nadıı Golovkın joq. Boxingnews24.com basylymynyń aqparaty boıynsha, «Kanelomen» kúz mezgilinde 36 jastaǵy Bagam aralynyń ókili Týreano Djonson (21-2-1, 15 KO) men 29 jastaǵy ırlandııalyq Djeıson Kýıglı (18-1-0, 14 KO) judyryqtasýy bek múmkin. Ekeýi de orta salmaqta óner kórsetetin boksshylar. Bir qyzyǵy, eki boks­shy byltyr shilde aıynda bir-birimen jekpe-jek ótkizgen. Sol kezde Djonson 10-raýndta tehnıkalyq nokaýtpen jeńiske jetken-di.

Qazaqstandyq boks jankúıerlerine Djeıson Kýıglıdiń esimi jaqsy tanys. 2013 jyly Almatyda ótken áýesqoılar arasyndaǵy álem chempıonatynyń fınalynda qandasymyz Jánibek Álimhanulymen judyryqtasyp, ese jibergen. Aıta keteıik, buǵan deıin «Kanelo» sharshy alańǵa 16 qyrkúıekte oralatynyn málimdegen edi. Endi meksıkalyqqa jekpe-jektiń qaı qalada ótetinin anyqtaý ǵana qaldy.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar