Túrkistan oblysy Tótenshe jaǵdaılar departamenti málimdegendeı,
12-13 shilde kúnderi birneshe jazataıym oqıǵa oryn alǵan. Atap aıtqanda, Otyrar aýdany, Aqkól aýylynda Syrdarııa ózeninde 1997 jyly týǵan azamat sýǵa ketken. Sondaı-aq osy kúni atalǵan aýdannyń Shámshi aýylynda Arys ózeninde 1967 jyly týǵan azamattyń máıiti týystarymen shyǵarylǵan. Kýágerlerdiń aıtýynsha, marqum mas kúıinde sýǵa túsken. Al 13 shilde kúni Arys qalasynda Arys ózeninde 1991 jyly týylǵan azamat sýǵa batqan. Budan ózge, Saıram aýdany, Aqsýkent-2 aýyly turǵynynyń úı janynda syǵymdalǵan shóbi bar "Gazel" avtokóligi tolyǵymen janyp ketken. О́rt saldarynan júrgizýshiniń 2011 jyly týǵan inisi sol mezette uıqyda bolyp, kólik ishinen shyǵa almaı oqıǵa ornynda qaıtys boldy. Mamandardyń málimdeýinshe, órt kólik bortyndaǵy jınalǵan shóp elektr symdaryna tıip, qysqa tuıyqtalý saldarynan shyqqan.
Azamattardyń qaýipsizdigin qamtamasyz etý maqsatynda departamenttiń qurylymdyq jáne aýmaqtyq bólimsheleri úgit - nasıhat jumystaryn keń kólemde júrgizýde. Jergilikti polısııa qyzmetimen birlese júrgizilgen 181 reıdtik jumysnátıjesinde 22 azamatqa 236 myń 130 teńge ákimshilik aıyppul salynǵan.
