5 shildeden bastap Atyraý qalasynda polısııa qyzmetkerleri 500-den astam nysandy tekserip, dúkenderdiń, sýpermarketterdiń, kafe-meıramhana ıeleri tarapynan, sonymen qatar, túngi 23.00-den keıingi shekteýlerdi oryndamaǵan 300-ge jýyq buzýshylyq derekterin anyqtady.
Sondaı-aq olardyń arasynda qaladaǵy “Kilem” dúkenderiniń biri, kólik jóndeý jáne kólik jýý ortalyqtary, sonoıyn klýby, karaoke anyqtaldy.
Otbasylyq merekelerin, atap aıtqanda, týǵan kúnderin ótkizýdiń jeti deregi anyqtaldy.
Salynǵan tyıymdar men shekteýlerge qaramastan, Atyraý shaǵyn aýdanyndaǵy úılerdiń birinde kóp adamdar jınalyp, týǵan kún ótkizgen.
Baımuhanov kóshesi, Azattyq dańǵyly boıyndaǵy dámhanalar, vokzal mańy yqsham aýdanyndaǵy káýaphanalardyń birinde satýshylar oryndarda satýshylar medısınalyq betperdesiz, medısınalyq qolǵapsyz, ári tyıym salynǵanǵa qaramastan jumys jasap, adamdardyń densaýlyǵyna qaýip tóndirgen.
Departament bastyǵy Qamza Úmbetqalıevtiń aıtýynsha, 11 shildeden bastap, quramynda ákimdik, SES jáne polısııa ókilderi bar sanıtarlyq-epıdemıologııalyq tártiptiń saqtalýyn tekserýdi júzege asyratyn 20-ǵa jýyq monıtorıngtik toptar quryldy.
Tek úsh kúnde monıtorıng toptarmen 80-nen astam karantın rejımin buzǵandar anyqtaldy.
Karantın rejımin buzýdyń barlyq derekteri boıynsha taýarlar men qyzmetter qaýipsizdiginiń sapasyn baqylaý basqarmasyna joldandy.
