Medısına • 17 Shilde, 2020

Eńbektiń elengeni erekshe serpin beredi

23 ret kórsetildi

Álemdi jaılaǵan koronavırýs indeti irgemizge taıanǵanda el saýlyǵy úshin kúrestiń aldyńǵy leginen aq halatty abzal jandar kórindi. Bul jolǵy derttiń deregi dárigerge de belgisiz edi, sonda da antyna adal mamandyq ıeleri qaýip tyrnaǵyna ilingen ár adam úshin aıanbaı arpalysty.

Qyzylorda oblysy boıynsha koronavırýs pandemııasyna qarsy kúreske medısına salasynyń 3396 mamany jumyldyrylypty. Olardyń 67,8 paıyzy dárigerler men orta býyn medısına qyz­met­ker­leri. Memleket bas­shy­­synyń dárigerler eńbegin laıyqty baǵalaý týraly bastamasynan keıin oblysta aldyńǵy shepte naýqastarǵa medısınalyq qyz­met kórsetken 15 maman mem­­lekettik nagradalarǵa ıe bol­dy. Odan bólek, medısına qyzmetkerleriniń kásibı mere­kesine oraı 55 medısına qyz­metkeri Densaýlyq saqtaý mınıs­tr­ligi tarapynan marapattaldy.

Dál qazirgi kezeńde olardyń eńbegin baǵalaý, kúni-túni qaýip­tiń ótinde júrgen mamandyq ıele­rine kórsetiler qurmet erekshe bolýy tıis. Saýlyǵy syr bergen adamnyń aldymen dárigerge júginetini anyq. Al óz basyn qaterge tigip, naýqastardy aýrýdan arashalap almaqqa asyqqan aq halat ıesiniń jaıyn oıladyq pa?..

О́kinishke qaraı, aımaq medısınasy osy derttiń betin qaıtarmaqqa jantalasyp júrgen bes birdeı mamanynan aıyryldy. Jýyrda oblys ákimi Gúlshara Ábdiqalyqova syndarly sátte antynan aınymaı, demi úzilgenshe el saýlyǵyn saqtaýǵa qyzmet etken osy jandar alýǵa tıisti memlekettik nagradalardy olardyń jaqyndaryna tabys etti.

 Oblys ortalyǵyndaǵy juq­pa­ly aýrýlar aýrýhanasy – in­detke shaldyqqan alǵashqy naýqasty qabyldaǵan emdeý mekemesi. Árıne, bastapqyda buryn-sońdy kezdespegen keseldiń atynan-aq adam úrketin edi. Biraq mamandar alǵashqy sátten-aq jaǵdaıdy tez baǵamdap, tósek tartqan janǵa járdemge asyqty.

– Alǵashqyda ústimizge saqtyq úshin kıgen kıimniń de salmaǵy ájeptáýir seziletin edi. Biraq kómek kútip jatqan naýqasty kór­gende bárin umyttyq. Úıge qaıt­paı jumys istegen áriptes­te­rime tántimin. Olardyń bar­ly­ǵy qandaı da qurmetke laıyq jandar, – deıdi oblystyq juqpa­ly aýrýlar aýrýhanasynyń med­bıke­si, jýyrda ǵana «Qurmet» orde­nimen marapattalǵan Raıhan Nurymbetova.

Raıhan Qasymqyzynyń osy emdeý mekemesinde jumys iste­ge­nine bıyl týra 40 jyl tolypty. Qyzylorda qalasyndaǵy medısınalyq ýchılısheni bitirgen jyly alǵash tabaldyryǵyn at­ta­ǵan osy aýrýhananyń ár ke­ze­ńi kóz aldynda. Biraq bıyl­ǵy­daı qarbalas kóbeıgen sáti esinde joq.

Alǵashqy sátten-aq jer­gi­likti bılik jurtty dertten saq­tan­dyrýmen qatar dári­ger­ler­diń qaýipsizdigin de qamtamasyz etti. Jergilikti kásipkerler koronavırýspen kúreske jumyldyrylǵan mamandar úshin qonaqúılerin bosatyp berip, azamattyq jasady. Dárigerler jumystan keıin úılerine qaıtpaı, barlyq jaǵ­da­ıy jasalǵan osy jaılarǵa turaq­ta­dy. Memleket jasap jatqan qoldaýdan bólek, isker azamattar dárigerler úshin qarjylaı demeý de uıymdastyryp jatyr.

– Bul bizdiń qoǵamnyń qıyn­dyqqa qarsy birige ala­tyn­dy­ǵyn kórsetti. Aýrýha­na­da jat­qandarǵa kómek kórsetýden erik­ti­ler de syrt qalyp jatqan joq. Báriniń tilegi – indetti toqtatyp, tósekke tańylǵan jandarǵa jár­dem berý. Osylaısha jumyla bilgen jurttan dert te jeńiledi. Amandyq bolsa, bul qıyndyqtan da ótemiz. Bizdiń salaǵa jasalyp jatqan qoldaýǵa rızamyz. Mem­le­ket tarapynan eńbegimizdiń elen­ge­ni erekshe serpin beredi, – deıdi Raıhan Qasymqyzy.

Qazir órshigen derttiń beti birtindep qaıtyp kele jatyr. El saýlyǵy saqshylarynyń jumysy sonda da saıabyr tabar emes. Olar tósekke tańylǵan sońǵy naý­qas aýrýynan aıyǵyp, úıine shyq­qan­sha tynym tappaıdy. Bul aıtýǵa ǵana ońaı, árıne. Osyndaı úlken iste bizdiń keıipkerimiz sekildi myńdaǵan mamannyń úlesi bar.

 

Qyzylorda oblysy

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar