Aýdandyq polısııa bólimine aryzdanǵan ol 570 bas qoıy joǵalǵanyn habarlaıdy. Bul jaıtty QR QK-niń 189-baby “Senip tapsyrylǵan bóten múlikti ıemdený nemese ysyrap etý” boıynsha SDTTBT-ǵa tirkegen Shardara APB polısııa qyzmetkerleri jedel izdestirý is-sharasy barysynda qoı urlaýǵa qatysy bar baqtashyny, ıaǵnı jergilikti turǵyndy quryqtady. Anyqtalǵandaı, kúdikti maldardyń kóp bóligin ıemdenip, satyp, al aqshasyn óz qajettiligine jumsaǵan. Jalpy jábirlenýshige keltirilgen shyǵyn kólemi 28,5 mıllıon teńgeden asty.
Polısııa bóliminiń habarlaýynsha, qazirgi ýaqytta bóten múlikti ıemdený jáne ysyrap etý faktisi boıynsha sotqa deıingi tergeý amaldary júrgizilýde. Kúdikti qolhatta. Polısııa qyzmetkerleri istiń tolyq mán-jaıyn anyqtaýda.
