Ońtústik Qazaqstan • 21 Shilde, 2020

Túrkistanda 130 myńǵa jýyq oqýshy úı jaǵdaıynda ınternet jelisine qosyla almaıdy

26 ret kórsetildi

Túrkistan oblysy aýmaǵyndaǵy 910 mektepte bilim alatyn oqýshylar sany – 499 535, dep jazady Egemen.kz

Al birinshi synyp oqýshylary bıyl 1 tamyzǵa deıin eGov.kz portaly arqyly tirkeledi. Iаǵnı aldaǵy ýaqytta oqýshylar sany arta túsedi. Qazirgi tańda 2020-2021 jańa oqý jylyn qashyqtan oqytýǵa daıyndyq jumystary júrgizilýde. Osyǵan oraı, oqý prosesin uıymdastyrýdyń túrleri jan-jaqty qarastyrylýda.

О́ńirlik kommýnıkasııalar qyzmetinde ótken brıfıngte oblystyq Adamı áleýetti damytý basqarmasynyń basshysy Raqymbek Jolaev birinshi toqsanda shalǵaıda ornalasqan shaǵyn jınaqy aýyldy mektepterdi qospaǵanda, barlyq mektepterde 1-11 synyp oqýshylary qashyqtan bilim alatynyn aıtyp ótti.

"Oblystaǵy 139 shaǵyn jınaqy mekteptegi oqýshy sany – 12 378. Egerde atalǵan mektepter ornalasqan eldi mekenderde indetten qaýip joq bolsa, sanıtarlyq epıdemııalogııalyq qyzmettiń ruqsatymen dástúrli túrde oqytylatyn bolady", dedi basqarma basshysy.

Sonymen qatar oblystaǵy qalǵan mektepterde bastaýysh synyp oqýshylary ata-analarynyń ótinishi boıynsha, ahýal jaqsarǵan jaǵdaıda, qatań sanıtarlyq talaptardy saqtaı otyryp, kezekshi synyptardyń jumys isteýine múmkindik beriledi.

Aldaǵy ýaqytta elimizdegi ahýal durystalyp, qaýiptiń seıilgenine kóz jetkizgen kezde, mektepterdi birtindep aralas oqytý jáne shtattyq formatta oqytýǵa kóshirý júrgiziletin bolady.

"Ustazdar men oqýshylardyń úı jaǵdaıyndaǵy qashyqtan oqytý múmkindikteri de qarastyrylýda. Oblysta 499 535 oqýshy bolsa, bul 200 myńnan astam otbasynyń balalary. Jasalǵan taldaý qorytyndysy boıynsha, oblystaǵy 28% otbasy úı jaǵdaıynda ınternet jelisine qosyla almaıdy (130 myńǵa jýyq oqýshy), al 34% otbasynda kompıýterlik tehnıka joq (60 myńnan astam oqýshy). Qazirgi tańda, osy oqýshylardy ınternetpen jáne kompıýtermen qamtamasyz etý máselesi boıynsha jumystar atqarylýda. Mektepterdegi tehnıkalar kelisimmen ýaqytsha paıdalanýǵa beriletin bolady", dedi Raqymbek Qýatbekuly.

Budan ózge, oblystaǵy 65 kolledj 2019-2020 oqý jylynda avtomattandyrylǵan ınteraktıvti platformalardyń kómegimen stýdentterge tehnıkalyq jáne kásiptik bilim berýdi júzege asyrdy. Jańa 2020-2021 oqý jylynda da qashyqtan bilim berýdi atalǵan platformalardyń kómegimen júzege asyrý josparlanyp otyr.

 

 

Túrkistan oblysy

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar