Sonymen qatar, Taraz qalasy ákimdiginiń qoldaýymen jáne "Sýper-Farm" jergilikti kásipornynyń qarjylandyrýymen Tarazdaǵy 9 emhanaǵa 560 dári-dármek paketi jetkizildi. Bir ǵana №5 emhanaǵa jetkizilgen dári-dármektiń jalpy quny 27 mıllıon teńgeni quraıdy. Jetkizilgen dári-dármekter qatarynda ksarelto, oseltamıvır akrıhın, zıtroks sekildi qymbat preparattar da bar. olardyń keıbiriniń baǵasy 7 myń teńgeden bastalady. Sondaı-aq, taratylǵan paketterde shprıster, sıstemalar, spırttik súlgiler, koronavırýs ınfeksııasy men pnevmonııany emdeýge arnalǵan antıbıotıkter, dárýmender, antıpıretıkalyq jáne qabynýǵa qarsy dáriler bar. Bir paket bir aptalyq emdeý kýrsyna arnalǵan. О́zindik quny boıynsha baǵasy 7 825 teńgeni quraıdy.
"Bizge oblystyq densaýlyq saqtaý basqarmasynan qońyraý shalyp, dári-dármek alý úshin "Sýper-Farm" jaýapkershiligi shekteýli seriktestigine barý kerektigin aıtty. Bul biz úshin óte jaǵymdy jańalyq boldy. О́tken jyly kúndizgi stasıonarlardy qarjylandyrý jumystary bastalǵan kezde aldymyzda qaýipti indet kútip tur dep eshkim de oılaǵan joq. Sondyqtan da osyndaı mańyzdy kómektiń ýaqytyly kórsetilgeni qýantady", deıdi №1 Taraz qalalyq emhananyń provızory Ultaı Qudııarova. Sonymen qatar, "Taraz" áleýmettik-kásipkerlik korporasııasy" mekemesi jáne "Atameken" óńirlik kásipkerler palatasynyń qoldaýymen oblys aýdandarynyń turǵyndary úshin qosymsha 520 dári-dármek paketi satyp alynǵan.
Jambyl oblysy
