Qoǵam • 22 Shilde, 2020

Ataýly áleýmettik kómek taǵaıyndaý merzimi uzartyldy

29 ret kórsetildi

620 myńnan astam qazaqstandyqqa ataýly áleýmettik kómek taǵaıyndaý merzimi uzartyldy. Bul týraly Egemen.kz mınıstrliktiń baspasóz qyzmetine silteme jasap habarlaıdy.

121 myń otbasyna, ıaǵnı 625 myń qazaqstandyqqa ataýly áleýmettik kómekti taǵaıyndaý memlekettik mekemelerge júginbesten, avtomatty túrde uzartyldy.

Sondaı-aq, 13 myń adam ataýly áleýmettik kómekke eGov.kz portaly arqyly júgindi. Bul aǵymdaǵy jyldyń II toqsanynda AÁK alýshy bolmaǵan azamattar.

Budan buryn habarlanǵandaı, Eńbek jáne halyqty áleýmettik qorǵaý mınıstrligi aǵymdaǵy jyldyń ekinshi III ataýly áleýmettik kómekti alǵandarǵa úshinshi toqsanda da 1 shildeden bastap ony uzartýdy kózdeıtin buıryq qabyldady. Bul shara azamattardyń ákimdikter men jumyspen qamtý ortalyqtaryna jappaı jınalýyn boldyrmaýǵa múmkindik berdi. Osylaısha, azamattardyń koronavırýstyq ınfeksııany juqtyrý qaýpi azaıdy.

О́tinishti alǵashqy bergen kezde jumyspen qamtý ortalyqtarynyń qyzmetkerleri memlekettik organdardyń aqparattyq derekqorlaryndaǵy qujattardy tekserdi. Sonymen birge, ýchaskelik komıssııalar ótinish berýshilerdiń málimetterin messendjerler arqyly kózbe-kóz kezdesý ótkizbesten tekserdi.

"AÁK uzartý kezinde keıbir kirister eskerilmedi. Máselen, táýelsiz jumyskerlerdiń 2020 jylǵy II toqsandaǵy jıyntyq tabysyn esepteý kezinde aılyq eseptik kórsetkishtiń 25 eselengen mólsherindegi tabysy tótenshe jaǵdaı kezeńindegi shekteýler saldarynan kirisi joǵalǵan jaǵdaıda biryńǵaı jıyntyq tólemdi jáne áleýmettik tólemderdi tóleýge baılanysty kiris retinde qarastyrylmady. Sonymen qatar, azyq-túlik pen turmystyq jıyntyqtarǵa jáne tótenshe jaǵdaı kezinde kommýnaldyq shyǵyndardy óteýge bólingen aqshalaı tólemder esepke alynǵan joq", - delingen habarlamada.
Buǵan deıin, 1-toqsanda AÁK alýshylarǵa tólemderdi taǵaıyndaý sol kezdegi tótenshe jaǵdaıǵa baılanysty 2-toqsanda uzartylǵan bolatyn. Osylaısha, ekinshi toqsanda 561 myń qazaqstandyq AÁK-ti memlekettik organdarǵa júginbeı-aq avtomatty túrde aldy.

Eske sala keteıik, 14 shildede QR Premer-Mınıstri Asqar Mamın Úkimet otyrysynda Eńbek jáne halyqty áleýmettik qorǵaý mınıstrligine AÁK-ti ústimizdegi jyldyń III toqsanyna qolda bar málimetter negizinde proaktıvti taǵaıyndaýdy tapsyrdy.

Sońǵy jańalyqtar

Uqsas jańalyqtar