Pandemııamen kúresý aıasynda medısınalyq betperdelerdi satý naýqany kósh basynda tur. Olardy álem halqy osy aptap ystyq mezgilde de qoldanyp keledi.
Kıodo agenttiginiń pikirinshe, jahan jurtynda mundaı bıologııalyq qaýipti qaldyqtardy qalaı kádege jaratý kerektigi týraly túsinik qalyptaspaǵan. Keıbir elde qoqysty durys joıý úshin eshqandaı jaǵdaı joqtyǵyn da sóz etedi.
Agenttik álemniń ár túkpirindegi basylymdardyń sózin keltirip, Kún shyǵys eliniń jaǵalaýynda bir rettik betperdeler sý aıdynynda qalqyp jatqanyn aıtady. Medısınalyq qaldyqtar sany Túrkııa men Eýropa elderiniń jaǵalaýlarynda jıi baıqala bastaǵan. Al Fransııa ekologteriniń aıtýynsha, teńiz ben muhıt sýlarynda kóp uzamaı medýzalar emes, betperdeler shoǵyryn kórýge qorqatynyn málimdeıdi.
Sebebi mundaı betperde qaldyqtary adamnyń jeıtin asynan jáne balyqtyń ishek qýysynan tabylǵan. Bul mıkroplastıka bólshekterine ydyraý úshin júz jyldan astam ýaqyt qajet.
