Demek, vırýs juqtyrý azaıǵan. Aıta keteıik, óńirde 2500-den astam turǵyn indetke shaldyqqan. Onyń 153-i medısına mamandary. 2 myńǵa tarta adam aman- esen aýrýynan aıyqty. О́kinishke qaraı, 53 adam qaıtys boldy. Karantın talaptaryn qadaǵalaıtyn oblys aýmaǵynda 73 mobıldi top bar. Olar tártip buzǵan 700-den asa nysanǵa shara qoldanǵanyn aıtady.
Ordabasy aýdanynda 100 tósek orynǵa laıyqtalǵan provızorlyq ortalyq jasaqtalyp jatyr. Ol úshin qazir aýdandyq ortalyq aýrýhananyń eski ǵımaraty jóndelýde. Qurylys jumystary jergilikti kásipkerlerdiń demeýshiligimen jınalǵan qarajatqa istelýde. Jergilikti bıliktiń aıtýynsha, qurylys osy jyldyń tamyz aıynda aıaqtalady. Provızorlyq ortalyqtyń jalpy aýmaǵy 1 jarym myń sharshy metr.
Al Shymkent qalasynda juqpaly indetke qarsy dári- dármek qory artyp keledi. Jedel járdem shaqyrtýlary eki ese azaıǵan. Sondaı-aq aýrýhanadaǵy naýqastar sany da kemigen. Provızorlyq ortalyqtardaǵy tósek oryndardyń jartysy bosap qalǵan.
