Aımaqtar • 04 Tamyz, 2020

Almaty oblysynyń turǵyny esirtki saýdalaǵany anyqtaldy

75 ret kórsetildi

Esirtki bıznesimen kúresýshilerdiń nazary Qapshaǵaı qalasynyń 33 jastaǵy turǵynyna tústi, – dep habarlaıdy Polisia.kz.

– Qolda bar jedel aqparatqa sáıkes, fıgýrantymyz esirtki zatyn satýmen aınalysqan, biraq ózi qoldanbaǵan. Onyń qylmystyq áreketi jedel jáne arnaıy is-sharalar barysynda resmı túrde tirkelip, kúdikti ustaldy. Ol gashıshti basqa tutynýshyǵa satýǵa tyrysqan. Alaıda onyń bul josparlaryn polıseıler buzdy, – deıdi Almaty oblysy PD Esirtki bıznesine qarsy is-qımyl basqarmasynyń bastyǵy Qazbek Muhamedov.

Sot saraptamasynyń zertteýine sáıkes alynǵan esirtki zatynyń jalpy salmaǵy 321 gramnan asqan. A. esimdi azamatsha ýaqytsha ustaý oqshaýlaǵyshyna qamaqqa alyndy. Atalǵan derek boıynsha QR QK 297-baby 1-bóligi negizinde sotqa deıingi tergeý amaldary júrgizilýde. Tergeýshiler bul derekti tergeýge kirisip ketti, al polısııanyń jedel bólimsheleriniń ókilderi esirtkini iri mólsherde saqtaýdyń shynaıy motıvi men onyń jetkizý arnasyn anyqtaýda.

– Ol ustalǵan sátte, óz isin moıyndaǵysy kelmedi. Alaıda, jaýap alý kezinde ol esirtki zatyn D. esimdi azamatqa satqysy kelgenin moıyndady, – dep tolyqtyrdy Qazbek Muhamedov.

Birshama ýaqyttan keıin Taldyqorǵan qalasynda polısııa qyzmetkerleri bir jarym kılogramǵa jýyq gashıshti satýdalaýdyń taǵy bir dereginiń jolyn kesti. Gashısh brıketteri bar polıetılen paketti jedel ýákilder dıvannyń astynan tárkiledi. Fıgýranttyń esirtki zattaryn qandaı maqsatta saqtaǵanyn tergeý anyqtaıtyn bolady.

Qazirgi ýaqytta polıseıler Almaty oblysyna esirtki jetkizý arnalaryn anyqtaý boıynsha jedel-izdestirý is-sharalarynyń keshenin júrgizýde. Ustalǵan eki azamatqa qatysty aýdandyq polısııa basqarmalarynda QR QK 297-babynyń 1-bóligi "Asa iri mólsherde esirtki zattaryn zańsyz saqtaý jáne ótkizý", sondaı-aq 296-babynyń 4-bóligi "Esirtki zattaryn ótkizý maqsatynsyz saqtaý” boıynsha qylmystyq ister qozǵaldy. Ustalǵandardyń barlyǵy ýaqytsha ustaý oqshaýlaǵyshyna qamaqqa alyndy. Tergeý amaldary júrgizilýde.

Sońǵy jańalyqtar

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar