Ońtústik Qazaqstan • 04 Tamyz, 2020

Túrkistanda karantın talaptaryn buzǵandarǵa 42 mln teńge aıyppul salyndy

63 ret kórsetildi

Túrkistanda karantın talaptaryn buzǵandarǵa 42 mln teńge aıyppul salyndy, dep habarlaıdy Egemen.kz

Túrkistan oblysynda karantın talaptaryn saqtamaǵandarǵa ákimshilik quqyq buzýshylyq týraly 769 hattama toltyrylyp, 42 mıllıon 322 myń 830 teńge kóleminde aıyppul salyndy.

Onyń 26 mıllıon 784 myń 75 teńgesi óndirildi. Bul týraly oblystyq taýarlar men kórsetiletin qyzmetterdiń sapasy men qaýipsizdigin baqylaý departamentinyń basshysy Nurbek Nyshanov habarlady.

Nurbek Sadyqbekulynyń aıtýynsha, óńirde koronavırýsty ınfeksııanyń aldyn alý maqsatynda 5 shilde men 3 tamyz aralyǵynda mobıldi toptarmen atalǵan departamenttiń aýdandyq jáne qalalyq basqarma mamandary birlesip karantın rejımi kezinde qyzmet kórsetetin obektilerge monıtorıngileý jumystaryn júrgizilgen. 7061 nysandy aralaý nátıjesinde 1386-synyń karantın talaptaryn buzǵany anyqtaldy. Tarqatyp aıtqanda, Qazaqstan Respýblıkasy Ákimshilik quqyqbuzýshylyq Kodeksiniń 425-babynyń 1-tarmaǵymen 732 jeke tulǵaǵa 30 aılyq eseptik kórsetkish kóleminde (AEK) aıyppul salynǵan. Sonymen qatar 33 jeke kásipkerge, 3 zańdy tulǵaǵa jáne 1 laýazymdy tulǵaǵa ákimshilik hattamalar toltyrylyp, jalpy 230 AEK kóleminde aıyppul tóleý mindettelgen. Degenmen, karantın tártibin saqtamaǵandarǵa jeńildik te qarastyrylǵan. 7 kún ishinde aıyppulyn óteıtin bolsa, 50 paıyzyn tóleıdi.

Reıd barysynda sondaı-aq tyıym salynǵan otbasylyq, merekelik is-sharalar anyqtalyp, toqtatyldy.

Atap aıtqanda, 50 adamǵa deıin qonaq shaqyryp, Arys qalasynda – 8, Keles aýdanynda – 2, Saryaǵash aýdanynda – 2, Saıram aýdanynda 2 betashar toılary uıymdastyrylǵany belgili boldy.

Sol sııaqty Qazyǵurt, Saıram, Tólebı aýdandaryndaǵy aýyldarda 50-den asa azamattardy jınap qyz uzatýdyń 3 faktisi anyqtalǵan. Tipti, sansyz babtar mekeninde ujymdyq otbasylyq merekeni atap ótýge de toqtaý salyndy. Sonymen qatar, jumys istep turǵandyǵy zerdeleý barysynda dáleldengen Tólebı aýdanyndaǵy 4 demalys ornynyń jumystary toqtaldy.

Olardyń qojaıyndaryna ákimshilik hattama toltyrylyp, 230 AEK kóleminde aıyppul salyndy.

Karantın tártibin buzǵandardardyń basym bóligi maska taqpaǵan, qyzmet kórsetýshiler bir ret paıdalanylatyn qolǵaptar kımegen, nysandarda antıseptıgi bar sanıtaızerler ornatpaǵan jáne kúndelikti dezınfeksııalyq zalalsyzdandyrý jumystaryn júrgizbegen.

Sondaı-aq, Túrkistan oblysynyń bas memlekettik sanıtarııalyq dárigeriniń qaýlysyna sáıkes jabylǵan oryndardyń jumystaryn jalǵastyrǵandary, qyzmet kórsetý merzimi shektelgen nysandardyń arasynda ýaqytqa qaramastan istep turǵandary da kezdesken.

О́z kezeginde Túrkistan oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti turǵyndardy karantın talaptaryn saqtap, jaqyndaryna janashyrlyq tanytyp, ózderin ınfeksııadan qorǵaýǵa shaqyrady.

 

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar