Túrkistan oblysynda mal urlaý deregi azaıdy

Túrkistan oblysy Polısııa departamentiniń jedel-qyzmettik jumysynyń basym baǵyttarynyń biri bóten múlikti urlaýdyń, onyń ishinde mal urlyǵynyń aldyn alý jáne jolyn kesý bolyp tabylady. Bul baǵyttaǵy negizgi is-sharalar 2018-2020 jyldarǵa arnalǵan "bótenniń múlkin urlaýǵa qarsy is-qımyl" vedomstvolyq baǵdarlamasy josparynyń tarmaqtaryn oryndaý sheńberinde iske asyrylýda.

Júrgizilgen jedel-profılaktıkalyq is-sharalardyń nátıjesinde Túrkistan oblysynda mal urlyǵynyń jalpy sany 30,1% (365-ten 255-ke deıin) tómendegen. Mal urlyǵynyń aýyr túrleriniń  ashylýy 71,7%-dan 78,6%-ǵa deıin jaqsardy, al ortasha aýyrlyqtaǵy mal urlyǵyn tirkeý 48,8% –ǵa tómendedi (297-den 152-ge deıin). Osy aralyqta polıseıleri 77 mal urlyǵyna qatysy bar 35  adamnan qurylǵan 13 qylmystyq topty ustady.

Mysaly, krımınaldyq polısııa qyzmetkerleri  2020 jyldyń mamyr aıynda jedel-izdestirý sharalarynyń nátıjesinde Túrkistan jáne Kentaý qalalarynyń aýmaǵynda úsh jyl boıy mal urlaýmen aınalysqan  bes adamnan turatyn uıymdasqan qylmystyq topty quryqtady. Tergeý qylmystyq toptyń 19 mal urlyǵyna qatystylyǵyn dáleldedi. Olar barlyǵy 125 jylqy men 30 bas iri qara maldy jymqyrǵan.  Sotqa deıingi tergeý barysynda kúdiktilerden 19 jylqy men toǵyz sıyr tárkilenip alyndy.

Barymtashylardyń taǵy bir qylmystyq toby maýsym aıynda ustaldy. Jeti adamnan turatyn qylmystyq top oblystyń úsh aýdany: Qazyǵurt, Saryaǵash jáne Tólebı aýdandarynda mal urlyǵyn kásip etken. Polıseıler kúdiktilerdiń 264 bas jylqylardy urlap, mal urlyǵynyń 16 jaıtyna qatysy baryn anyqtady. Aıǵaqty zat retinde kúdiktilerden 69 bas jylqy tárkilendi. Qazirgi ýaqytta qylmystyq top múshelerine qatysty qylmystyq isterdiń jınaqtalǵan materıaldary aıyptaý aktisimen zańdy sheshim qabyldaý úshin sotqa joldandy.

Sonymen qatar, Túrkistan oblysynyń polısııasynda mal urlyǵynyń aldyn alý maqsatynda oblystyq Polısııa departamenti basshylyǵynyń qatysýymen halyqpen jıyndar ótkizý tájirıbesi engizildi. Jyl basynan beri ýchaskelik polısııa ınspektorlarynyń halyqpen 375 kezdesýi ótkizildi, onyń ishinde 148-i polısııa organdary basshylarynyń qatysýymen. Tártip saqshylary aýyl turǵyndarymen mal urlyǵynyń aldyn alý boıynsha sharalar qabyldaý qajettiligi týraly túsindirý jumystaryn júrgizýde. Onda mal basyn anyqtaýdan jáne ujymdyq jaıylymdy uıymdastyrýdan bastap,  qazirgi zamanǵy tehnologııalyq quraldardy qoldanýǵa deıin aıtylýda. "Mal ıesi – jergilikti atqarýshy organ – baqtashy" úsh jaqty kelisim-shart jasaý jobasy aıasynda 5,5 myńnan astam kelisim-shartqa qol qoıyldy.

Túrkistan oblysy PD-niń  polıseıleri úı maldaryn ustaý jáne satý oryndarynda quqyqbuzýshylyqtardy anyqtaý, úı maldaryn tasymaldaýmen aınalysatyn avtokólikterdi, onyń ishinde respýblıkalyq mańyzy bar trassalarda baqylaý jáne tekserý boıynsha turaqty negizde profılaktıkalyq jáne reıdtik is-sharalar júrgizýde. Sonymen qatar, Qazaqstan Respýblıkasynyń veterınarııa salasyndaǵy zańnamasyn buzǵany jáne aýyl sharýashylyǵy janýarlaryn jaıý erejelerin buzǵany úshin ýchaskelik ınspektorlar 700-den astam tártip buzýshyny ákimshilik jaýapkershilikke tartty.