"Qazaqavtojol" JShS mamandary joldyń 436 myńnan astam sharshy metrinde shuńqyrlardy jamaý jumystaryn, 98 myńnan astam sharshy metrinde joldyń kedir-budyrlyǵyn joıdy, 11 myńnan astam jol belgisin, 400 pannony, 80 jaryqdıodty jol belgisin jáne kópir qorshaýlarynyń 1500 qýma metrin ornatyp, aýystyrdy.
Budan bólek, 161 avtopavılon men demalys alańdary jóndelip, joldyń 2000 sharshy metrinde shýyl jolsyzyǵy jaılastyryldy, 2700-den astam shaqyrymda silteýishter, 25 myń sıgnaldyq baǵanshalar ornatyldy. Keıbir zamanǵa saı ınnovasııalyq ıilgish baǵanshalar kólikterdiń soqqylarynan keıin de qaıtip óz qalpyna kele alady. Sondaı-aq el joldarynda qorshaýlardyń 37 myńnan astam qýma metri ornatyldy, joldyń qozǵalys bóliginiń 23 myńnan astamy tańbalandy.
Bul kórsetkishter jyldyń baǵdarlama aıasyndaǵy jumystardyń 80% quraıdy. Jolshylar jumystardy úzdiksiz atqarýda.
