Jolshylar Túrkistan oblysyndaǵy respýblıkalyq mańyzy bar "RF shekarasy (Samara)-Shymkent" avtomobıl jolynyń 11 shaqyrymyn ortasha jóndeýden ótkizý jumystaryn aıaqtady. Jańartylǵan jol ýchaskeleri kólik qozǵalysy úshin tolyqtaı ashyq, - dep habarlady IIDM baspasóz qyzmeti.
Atap aıtqanda, merdiger "Sıne Mıdas Stroı BK" JShS jáne "NNC Group" JShS joldyń sement-beton jabyndysynyń shógýin joıyp, temperatýralyq jikterdi quıý jumystaryn oryndady. Jabyndynyń joǵarǵy qabatyn jaılastyrý kezinde jolshylar emýlsııalyq-mıneraldy quıma qospalardan tozýdan qorǵaıtyn qabatty tósedi. Mıkrosıýrfeısıng tehnologııasy jabyndynyń tozǵan qabatyn qalpyna keltirip, jaryqtardyń paıda bolýynan, jol jabyndysynyń joǵarǵy qabattaryn sýǵa qanyǵýdan qorǵaıdy, sondaı-aq, jol jabyndysy qabattarynyń ózara tirkesý jáne jabyn tegistigi kórsetkishterin jaqsartady. Bul sharalar jóndeýaralyq merzim men joldyń beton jabyndysynyń qyzmet etý ýaqytyn uzartýǵa múmkindik beredi.
Aıta ketý kerek, jóndeý jumystary belgilengen merzimnen buryn oryndaldy.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
