ShQO-da S.Amanjolov atyndaǵy Shyǵys Qazaqstan memlekettik ýnıversıteti men Semeı qalasyndaǵy Shákárim atyndaǵy memlekettik ýnıversıtetinde ótetin testileýge ashyqtyq pen ádildikti qamtamasyz etý, qoǵamdyq baqylaýdy júzege asyrý maqsatynda "Shyǵys – Adaldyq alańy" jobalyq keńsesiniń ókilderi, ShQO Sybaılas jemqorlyqqa qarsy qyzmet mamandary qatysady.
Bul týraly ShQO Sybaılas jemqorlyqqa qarsy qyzmettiń prevensııa jáne parasattylyq basqarmasynyń basshysy Renat Nabıev óńirdegi memlekettik komıssııa múshelerimen onlaın jıyn ótkizip, testileý kezinde qandaı da bir zańbuzýshylyqtarǵa jol berilgen jaǵdaıda jaýapkershilik qarastyrylǵanyn eskertti.
Atap aıtsaq, 2020 jylǵy 21 maýsym – 1 shilde aralyǵynda ótken Ulttyq biryńǵaı testileý kezinde testileý erejelerin buzǵan 86 abıtýrıent testileýden shyǵarylyp, olardyń nátıjesi joıyldy.
Sondaı-aq ShQO Sybaılas jemqorlyqqa qarsy qyzmeti test tapsyrýshylardy tek óz bilimderine ǵana súıene otyryp, test tapsyrýǵa shaqyryp, al ata-analardy testileý qorytyndysy boıynsha oń baǵa alý maqsatynda para bergeni úshin qylmystyq jaýapkershilik jáne bas bostandyǵynan aıyrý kózdelgenin eskertedi.
Jalpy, Agenttik Bilim jáne ǵylym mınıstrligimen birlesip parasattylyq pen akademııalyq adaldyq ıdeologııasyn ilgeriletý boıynsha belsendi jumys júrgizýde.
Eger Sizder testileý kezinde qandaı da bir sybaılas jemqorlyq quqyqbuzýshylyǵyna tap bolsańyzdar, Agenttiktiń 1424 Sall-ortalyǵyna qońyraý shalýlaryńyz qajet.
