Ekologııa • 07 Tamyz, 2020

Elordada 18 jeke uıym ekologııalyq buzýshylyqtar úshin jaýapkershilikke tartyldy

49 ret kórsetildi

Taldaý kórsetkendeı, negizinen ekologııalyq zańnamany buzýǵa qurylys uıymdary jol beredi. Jyl basynan beri 12 nysanda osyndaı buzýshylyqtar anyqtaldy. Bul týraly Nur-Sultan qalalyq polısııa departamentine silteme jasaı otyryp Egemen.kz habarlaıdy.

Mysaly, qurylys kompanııasyna irgeles aýmaqty ýaqtyly jınamaǵany, jolǵa balshyq shyǵarǵany, qala aýmaǵynda materıal jınamaǵany jáne basqalary úshin aıyppul salyndy.

Sonymen qatar abattandyrý erejelerin buzǵany úshin 40-tan astam jeke tulǵa QR ÁQBK 505-baby boıynsha ákimshilik jaýapkershilikke tartyldy. Kóptegen jaýapsyz aýyr júk kólikteri qardy, qoqysty, aǵyndy sýlardy, erigen sý men qurylys qaldyqtaryn belgisiz jerlerde tastaıdy.

Tabıǵat qorǵaý polısııasynyń qyzmetkerleri shaǵyn orta bıznes nysandaryna irgeles aýmaqty usaq turmystyq qoqystardan tazartý boıynsha 100-den astam uıǵarym berdi.

Ekologııalyq quqyq buzýshylyqtardy anyqtaý jáne jolyn kesý jáne ekologııany jaqsartý boıynsha sharalar qabyldaý maqsatynda Nur-Sultan qalasynyń aýmaǵynda "Taza Qazaqstan" aılyǵy ótýde.
Nur-Sultan qalasy Polısııa departamenti tabıǵat qorǵaý polısııasy bólimshesiniń ınspektorlary, ýchaskelik ınspektorlar, patrýldik polısııa polkiniń qyzmetkerleri jedel-aldyn alý is-sharalaryn ótkizý kezinde adamdar kóp jınalatyn jerlerde reıdter uıymdastyryp, tabıǵat qorǵaý zańnamasynyń basqa da buzýshylyqtaryn anyqtaý boıynsha sharalar qabyldaýda.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar