Aldymen Egov.kz portalyna kirińiz;
Portaldyń qyzmetter tizimindegi «Otbasy» bóliminen «Balany (balalardy) patronattyq tárbıeleýge berý jáne patronat tárbıeshilerge berilgen balany (balalardy) asyrap-baǵýǵa aqshalaı qarajat tóleýdi taǵaıyndaý» qyzmetin tabyńyz;
Qyzmetti onlaın suratyńyz;
Birinshi qadamda suratylǵan málimetterdi tolyq toltyryp shyǵyńyz;
Eger siz nekede bolsańyz, jubaıyńyzdyń JSN nómirin kórsetýińiz kerek. Al jubaıyńyz ESQ arqyly jeke kabınetinen on kún ishinde kelisimin berýi shart.
Ekinshi qadamda sizdiń jáne jubaıyńyzdyń densaýlyq jaǵdaıy jáne sizdiń bilimińiz týraly aqparattardyń skan kóshirmelerin portalǵa júkteý arqyly kórsetińiz;
Siz jaıly qylmys jasaý málimetterdiń joqtyǵy men jubaıyńyzdyń elektrondy kelisimin alýǵa ruqsat berińiz;
Úshinshi qadamda, júıeden suratylǵan málimetter portalǵa shyqqansha jańartyńyz. Málimetter 10 kúnge deıin jańartylýy múmkin;
Tórtinshi qadamda ótinishke ESQ arqyly qol qoıyńyz;
Qyzmetti onlaın suratqanda sizge tómendegi qujattardyń skan kóshirmeleri nemese elektrondyq nusqalary qajet bolady:
Qyzmetalýshynyń, eger nekede tursa onyń; jubaıynyń da densaýlyq jaǵdaıy týraly anyqtamalar, sondaı-aq narkologııalyq jáne psıhatrııalyq dıspanserlerde esepte turmaǵany jóninde anyqtamalar;
Qyzmetalýshy nekede bolsa, onda onyń jubaıynyń notarıýs arqyly rastalǵan kelisimi;
2008 jylǵa deıin nemese Qazaqstan Respýblıkasynan tys jerde nekege turǵan jaǵdaıda nekege turý týraly kýáligi;
О́tinish berýshi otbasynyń jeke menshiginde turǵyn úıi bolmasa, turǵyn úıdi paıdalaný quqyǵyn rastaıtyn qujattar;
О́tinish berýshiniń bilimi týraly málimetter;
Balanyń (balalardyń) bilim berý uıymynda oqýy týraly anyqtamanyń elektrondyq kóshirmesi.
Qyzmettiń nátıjesin 10 jumys kúni ishinde jeke kabınetińizden bile alasyz.
ALMATY
