Búgin úı jıhazdarynyń alǵashqy legi О́rgebas aýylyna kelip, qurylys jumystary aıaqtalǵan birneshe úıge taratyldy. Qaıyrymdylyq is-sharasyna Túrkistan oblysy ákiminiń orynbasary Meıirjan Myrzalıev, aýdan ákimi Baqyt Asanov jáne kompanııanyń bas dırektory Beknur Nesipbaev qatysyp, turǵyndardy úlken qýanyshqa bóledi.
"Aýdanymyzǵa kelgen qıynshylyqty jeńýge kómektesip, demeýshilik jasap jatqan kásipkerlerimiz óte kóp. Mine, búgin elimizdegi brendterdiń biri "Astana motors" kompanııasy sý basqan О́rgebas jáne Fırdoýsı aýyldarynyń turǵyndaryn úı jıhazdarymen qamtamasyz etýde. Ol úshin kompanııanyń basshylyǵy men ujymyna aýdan turǵyndarynyń atynan shyn júrekten alǵys aıtamyn", dedi aýdan basshysy Baqyt Nasyrhanuly.
Jınaqtalǵan úı jıhazdaryn otandyq "Dıana 3D" kásiporny óndirgen. Eki kisilik kereýet, aınasy bar úsh esikti shkaf, kereýet janynda turatyn 2 týmba jáne matrastan turatyn jınaqtalǵan jıhazdyń jalpy quny 118 600 teńgeni quraıdy.
"Myńdaǵan adamdar kenetten úılerinen jáne tolyqqandy jumys isteý múmkindiginen aıyryldy degen qaıǵyly habar bizdi qatty alańdatty. Búgingi tańda sý basqan aýyldardaǵy ómir memleket pen jeke qarajattardyń esebinen qaıta qalpyna keltirilýde. "Astana Motors" óz kezeginde qarajat bólip, jańa úıge qonystanýshylarǵa úı jıhazdaryn tartý etýde. Bul sý apatynan zardap shekken árbir otbasy úshin jańa baqytty oqıǵanyń bastamasy bolsyn!" dedi kompanııanyń bas dırektory Beknur Nesipbaev.
Aıta keteıik, aǵymdaǵy jyldyń 1 mamyr kúni О́zbekstan Respýblıkasyndaǵy "Sardoba" sý qoımasynyń apatqa ushyraýynan Maqtaaral aýdanyndaǵy 5 aýyldy sý shaıyp ketken bolatyn.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
