Osy maqsattar úshin Alataý aýdanynyń Nurkent shaǵyn aýdanynda (Atletıkalyq aýyl) qala halqyn Jumyspen qamtý ortalyǵy, Atameken UKP jáne mobıldi jumyspen qamtý ortalyǵymen birlesip uıymdastyrylǵan Jastar resýrstik ortalyǵy qyzmet etýde.
18 tamyzdan beri Alataý aýdanynyń Jastar resýrstyq ortalyǵynyń bazasynda mobıldi jyljymaly pýnkt qyzmet etedi, onda jastar jumysqa turý suraqtary boıynsha keńes ala alady.
Almaty qalasy Alataý aýdany ákiminiń orynbasary Ásel Bısenbaeva habarlaǵandaı, atalǵan pýnktte aýdan turǵyndaryna jumysqa turý, granttar týraly aqparat alý, barlyq baǵdarlamalar jóninde keńes berý túrinde qoldaý kórsetiledi.
Osy jyldyń 3 shildesinen bastap Almatyda jastar resýrstyq ortalyǵy óz jumysyn bastady. 18 tamyzdan bastap, Ortalyq bazasynda qalanyń barlyq aýdandarynda mobıldi jyljymaly pýnkt jumys isteıdi. Onda jastar jumysqa ornalasý máseleleri boıynsha keńes ala alady.
"Jastar ınnovasııalyq jáne shyǵarmashylyq áleýetke ıe halyqtyń belsendi toby, alaıda óz jastarynyń kúshine qaramaı osy nemese basqa salalarda kásibı qyzmette tájirıbeleri jetkiliksiz bolyp jatady. Sol sebepti jumysqa turý, jastardyń eńbek naryǵynda kásibı turǵyda básekege qabilettilikterin qoldaý jáne damytý máseleleri mańyzdy jáne strategııalyq basymdyq bolyp tabylady", dep atap ótti Á. Bısenbaeva.
"Almaty qalasynyń ákimdigi halyqty, onyń ishinde jastardy jumyspen qamtý máselelerin sheshýge erekshe kóńil bóledi. Jastar halyqtyń ekonomıkalyq belsendi bóligi bolyp tabylady. Shyǵarmashylyq áleýetke ıe, biraq óz jasyna baılanysty praktıkalyq tájirıbesi joq. Sondyqtan jumysqa ornalastyrý, jastardyń naqty qabiletterin damytý máselesi mańyzdy strategııalyq baǵyt bolyp tabylady. Ol úshin "Eńbek" memlekettik baǵdarlamasy aıasynda joǵary jáne orta oqý oryndarynyń túlekterine alǵan mamandyqtary boıynsha praktıkalyq tájirıbe alýǵa múmkindik beredi", dedi A.Bısenbaeva.
Onyń aıtýynsha, bul jerde "Jastar tájirıbesi" baǵdarlamasy mańyzdy orynda. Atalǵan baǵdarlama aıasynda joǵarǵy oqý oryndaryn bitirgen túlekterdiń alǵan mamandyqtary boıynsha praktıkalyq tájirıbe alýlary úshin aıtarlyqtaı jumystar júrgizilýde.
Alataý aýdanynda 5 kúngi jumys kezinde jastardyń jumysqa ornalasýy boıynsha jyljymaly pýnktke 200-den astam adam kelgen. Barlyǵyna túsindirý júrgizilgen, olardyń nátıjesi boıynsha 85 adam qoǵamdyq jumystarǵa ornalasýǵa tilek bildirgen, jáne 50-ge jýyǵy jastar tájirıbesine joldama alý úshin Jumyspen qamtý ortalyǵyna barǵan. Jalpy, Alataý aýdanynda jyl basynan beri Jumyspen qamtý ortalyǵy arqyly 2500-den astam jumysqa ornalasqan, sonyń ishinde jastar tájirıbesine.
"Jastar praktıkasyna dıplomy bar jasy 29-ǵa deıingi jáne oqý ornyn sońǵy úsh jyl kóleminde bitirgen azamattar qatysa alady. Jas mamandar tájirıbeni óndiriste, memlekettik organdarda, qarjylyq qurylymdarda, bilim berý jáne medısına uıymdarynda ala alady", dep tolyqtyrdy Á. Bısenbaeva.
