Almaty qalasy boıynsha aýdandyq ákimdikter janynan qurylǵan 24 monıtorıngtik top bar, olar uıymdar men nysandardaǵy epıdemııaǵa qarsy sharalardyń oryndalýyna kúndelikti reıd júrgizedi.
2020 jyldyń 5 shildesinen búgingi kúnge deıin monıtorıngtik toptar 12415 nysandy qamtyǵan, onyń ishinde karantındik, atap aıtqanda maska rejimin buzý karantın kezinde 3371 nysannan anyqtalǵan.
Tekserýler nátıjesi boıynsha, 698 nysan tártip buzýshylyqtar anyqtalǵannan keıin, óz erikterimen qyzmetterin toqtatqan Olarǵa QR ÁQ týraly Kodekstiń 425-babynyń 1-tarmaǵy boıynsha karantın rejimin buzǵany úshin ákimshilik quqyqbuzýshylyq týraly 3371 hattama toltyryldy, onyń ishinde zańdy tulǵalarǵa – 119 aıyppul, jeke tulǵalarǵa – 3252 aıyppul, sonyń ishinde maska taǵý rejimin buzǵany úshin salynǵan.
Máselen, Jetisý aýdanynda 22-nen 23 tamyzǵa qaraǵan túngi monıtorıng kezinde quramyna Jetisý aýdany ákim apparatarynyń qyzmetkerleri, Jergilikti polısııa qyzmeti, Taýarlar men qyzmetterdiń sapasy men qaýipsizdigin baqylaý basqarmasy, Jetisý aýdany «Nur Otan»partııasy fılıalynyń ókilderi engen monıtorıngtik top shekteý sharalaryn buzýdyń 3 faktisin anyqtady: tyıym salynǵanyna qaramastan, Qulager yqsham aýdanynda kompıýterlik klýb qyzmetin jalǵastyrǵan, demalys kúni Iаblochkov kóshesi boıyndaǵy monsha kesheni qyzmet etip turǵan, 23.00-den keıin Aqpaev kóshesiniń boıyndaǵy qoǵamdyq tamaqtaný nysany jumys istegen.
2020 jyldyń 17 tamyzynan beri qyzmetin jańartý týraly 14577 habarlama kelgen, 4361 ótinish túsken, onyń ishinde 14344 habarlama, 3018 ótinish maquldanǵan. Qyzmetke daıyn ekendigi jónindegi akt 26 nysanǵa berildi.
Barlyq nysandarda halyqtyń ıgiligi úshin sanıtarlyq-epıdemıologııalyq salada zańnamany kúsheıtilgen túrde saqtaýǵa qatysty jáne jabyq nysandarda maska taǵýǵa qatysty túsindirý jumystary júrgizilýde.
Almaty qalasynyń Taýarlar men qyzmetterdiń sapasy men qaýipsizdigin baqylaý Departamenti óz kezeginde koronavırýs ınfeksııasynyń taralýyn boldyrmaý maqsatynda karantın sharalaryn saqtaýdyń mańyzdylyǵy týraly eske salady. Qala turǵyndary men qonaqtaryn maska rejimin, áleýmettik qashyqtyqty saqtap, sonymen birge adamdar kóp baratyn oryndarǵa barýdan aýlaq bolýǵa shaqyrady. Sanıtarlyq talaptardyń saqtalýy halyqtyń ıgiligi úshin qajet. Bıznes sýbektilerine de sanıtarlyq-epıdemıologııalyq qaýipsizdiktiń barlyq talaptarynyń oryndalýyn qamtamasyz etý kerek.
