23 Tamyz, 2020

Neımardyń álde Levandovskııdiń komandasy jeńiske jete me?

1602 ret kórsetildi

Az ǵana ýaqyttan PSJ men «Bavarııa» Chempıondar lıgasynyń kýbogyn sarapqa salady. Bul oıynǵa Mbappe 100 paıyz daıyn emes, dep habarlaıdy Egemen.kz.

Búgingi fınalda eki nemis jattyqtyrýshysy – Tomas Týchel (PSJ) men Hans-Dıter Flık («Bavarııa») betpe-bet keledi. Oıyn aldyndaǵy baspasóz máslıhatynda «Bavarııanyń» bas jattyqtyrýshysy ortalyq qorǵaýshy Boatengtiń kezdesýge qatyspaýy múmkin ekenin jáne kezdesýge 100 paıyz daıyn ekendikterin aıtty. «Biz ózimizdiń eń jaqsy oıynymyzdy kórsetýge daıynbyz. Eger babymyz ben baǵymyz qatar jansa jáne ár oıynshy bar kúsh-jigerin 100 paıyz jumsar bolsa, bul matchta jeńe alamyz», dedi Flık.

«PSJ» komandasynyń bas bapkeri Tomas Týchel Verrattı men Mbappe bul oıynǵa 100 paıyz daıyn emes, sondyqtan olar negizgi quramǵa shyqpaı qalýy múmkin ekenin aıtty. «Men «Bavarııanyń» bizge qaraǵanda basymdyqqa ıe ekenin bilemiz, óıtkeni olar mundaı fınalda oınaǵan. Biraq bul kórsetkish búgingi keshte eshteńe sheshpeıdi», dedi Týchel.

 

Statıstıka:

- PSJ men «Bavarııa» Chempıondar lıgasy aıasynda 8 match ótkizdi.

- Bir qyzyǵy, qarsylastar teń oınamapty.

- Fransýz klýbynyń esebimen 5 jeńis, mıýnhendikterde 3 jeńis.

- 8 matchtyń barlyǵy Chempıondar lıgasynyń toptyq kezeńinde ótken.

- Gol soǵý jaǵynan PSJ sál ǵana basymdyq tanytypty – 12:11.

- Sońǵy «shaıqas» 2017/18 toptyq kezeńinde ótken. PSJ óz alańynda 3:0 (Alves, Kavanı jáne Neımar gol soqty) esebimen oısyrata jeńse, Mıýnhende «Bavarııa» – 3:1 (Levandovskı, Tolısso eki dop soqty)  esebimen basym tústi.

- PSJ eshqashan Chempıondar lıgasyn jeńip alǵan joq. Eger baǵy jansa, onda kýbokty jeńip alǵan 23-shi komanda bolady.

- Bıylǵy Chempıondar lıgasynda PSJ 8 márte jeńiske jetti, 1 ret teń tústi jáne 1 jeńiliske ushyrady, gol aıyrmashylyǵy 25:5;

- «PSJ» A tobynda birinshi orynǵa ıe boldy. «Borýssııany» – 1/8, «Atalantany» – 1/4 jáne «Leıpsıgti» – ½ fınalda jeńip shyqty;

- Chempıondar lıgasynyń sońǵy bes matchynda PSJ 4 ret jeńiske jetip, 1 ret ​​teń tústi;

- О́tken maýsymda PSJ Chempıondar lıgasynyń 1/8 fınalynda jarys jolynan shyǵyp qaldy;

- PSJ komandasynyń Chempıondar lıgasyndaǵy eń joǵary nátıjesi ol  – jartylaı fınal (1994/95);

- «Bavarııa» Chempıondar lıgasyn jeńip alsa, onda kýbokty 6 márte basyna kótergen «Lıverpýldi» qýyp jetedi.

Bul fransýz jáne nemis klýbtarynyń arasyndaǵy Chempıondar lıgasynyń ekinshi fınaly. Buǵan deıin 1976 jyly «Bavarııa» «Sent-Etennen» basym túsken edi.

- Osy maýsymda «Bavarııa» Chempıondar lıgasyndaǵy barlyq 10 matchta jeńiske jetip, 42:8 gol aıyrmashylyǵymen rekord ornatty;

- «Bavarııa» V tobynda birinshi oryndy ıelendi. «Chelsıden» – 1/8, «Barselonadan» – 1/4 jáne «Lıonnan» – ½ fınalda basym tústi;

- «Bavarııa» ótken jyly Chempıondar lıgasyn shırek fınaldan aıaqtady;

- «Bavarııanyń» Chempıondar lıgasynyń 5 dúrkin jeńimpazy (Sońǵy ret 2013 j.);

PSJ quramynda fýtbol «juldyzdarynyń» baryna qaramastan, «Bavarııada» kýbokty jeńip alý múmkindigi kóp. Býkmekerlik keńseler «Bavarııanyń» jeńisine kóbirek senimdi. Biraq olardyń «sáýegeıligi» kóbinese oryndalmaı jatatynyn taǵy esten shyǵarmaǵanymyz abzal.

 

PSJ – «Bavarııa»

23 tamyz. Lıssabon. «Estadıý da Lýz» stadıony. 00:50.

Tóreshi – Danıele Orsato (Italııa).

Kórsetilim – «Qazaqstan» telearnasy.

"Bavarııa" sapynda alańǵa shyǵýy múmkin fýtbolshylar

PSJ sapynda alańǵa shyǵýy múmkin fýtbolshylar

Sońǵy jańalyqtar

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Taýda joǵalyp ketken týrıst tabyldy

Aımaqtar • 06 Mamyr, 2021

Uqsas jańalyqtar