Jádigerdi Valerı Vladımırovıch degen aýyl turǵyny balyq aýlap júrip taýyp alǵan. Iаǵnı, ol ózen jaǵasyndaǵy qaıraq qumda kómilip jatqan súıektiń sulbasyn baıqap qalyp, qyzyǵýshylyǵy oıanyp qazyp kórgen. О́tken tarıhtan azda bolsyn habary bar balyqshy bul súıektiń tegin dúnıe emes ekenin ańdaıdy da, jatqan ornyna burynǵydaı qaıdan ornalastyryp, kórgin-bilgenin aýyl ákimine kelip baıandaıdy.
Mán-jaıǵa qanyqqan ákim dereý oblys-aýdanǵa habarlaǵan. Sóıtip, búgin Aqmola oblystyq Tarıhı mádenı murany qorǵaý jáne paıdalaný ortalyǵynyń ókili Raýan Erjanov bastaǵan adamdar jilikti kórip, ólshegen eken uzyndyǵy –1,05 metr ekeni anyqtalypty. Maman arheologtar bul jilik zildiń súıegi ekeni anyq deıdi. Jádiger ózen jaǵasyndaǵy qaıraq qumda jatýyna qaraǵanda, kóktemgi tasqanda basqa jaqtan qarǵyn sýmen aǵyp kelýi de múmkin degen boljamdar aıtylýda.
Bir qyzyǵy oblys aýmaǵynan mundaı zildiń súıekteri burynda birneshe jerden tabylǵan. Olardyń bári qazir oblystyq tarıhı-ólketaný mýzeıinde jeke bólimde saqtaýly tur. Myna jilikte búgin mýzeıge jetkizilip, ondaǵy zil súıekterine qosyldy. «Kelesi jyly jádiger tabylǵan aýmaqqa qazba jumysyn júrgizemiz» depti oblystan kelgen ókilder.
