Aımaqtar • 25 Tamyz, 2020

Qazaqstan Prezıdenti jazýshy Marhabat Baıǵutty quttyqtady

64 ret kórsetildi

Memleket basshysy Qasym-Jomart Toqaev Halyqaralyq Alash syılyǵynyń laýreaty Marhabat Baıǵutty 75 jyldyǵymen quttyqtady. Prezıdenttiń quttyqtaýyn Túrkistan oblysy ákimniń orynbasary Sáken Qalqamanov Túrkistanda ótken «Túrkiler tóri Túrkistan» onlaın konferensııasynda oqyp berdi, - dep habarlaıdy Egemen.kz.

«Qurmetti Marhabat Baıǵutuly!

Siz qazaq ádebıetiniń damýy  men órkendeýi úshin aıanbaı qyzmet etip kele jatqan qazaqtyń qabyrǵaly jazýshylarynyń birisiz. Sizdiń qalamgerlik qarymyńyz ben qaıtalanbas shyǵarmalaryńyz qazaq halqynyń ulttyq minezi men bolmysyn, áleýmettik jan tebirenisin dál beıneleýimen  erekshe. «Daýystyń túsi», «Sert pen senim» sııaqty prozalyq jınaqtaryńyzdy, álem ádebıetinen jasaǵan sátti aýdarmalaryńyzdy kópshilik jyly qabyldaǵanyn bilemin.

75 jasqa tolǵan mereıli merekeńizben  sizdi shyn júrekten quttyqtaımyn! Ulttyń rýhanııaty úshin talmaı eńbektenip, áli de talaı ólmes týyndy jazaryńyzǵa senemin. Otbasyńyzǵa amandyq, denińizge saýlyq tileımin» delingen Memleket basshysynyń quttyqtaýynda.

Túrkistan oblystyq qoǵamdyq damý basqarmasynyń qoldaýymen, Qazaqstan Jýrnalıster odaǵy jáne Jazýshylar odaǵynyń Túrkistan oblystyq fılıaldarynyń birlese uıymdastyrýymen ótip jatqan sharaǵa elimizdiń túkpir-túkpirinen 300-den astam adam onlaın júıesi arqyly qatysty.

Túrkistan óńirindegi tarıhı mańyzy bar qasıetti jerlerdi nasıhattaýdaǵy ádebı shyǵarmalardyń róli, múmkindikteri men áleýetin jan-jaqty talqylaý, qasterli qundylyqtarymyzdy kópshilik aýdıtorııaǵa ádebı, tarıhı jáne pýblısıstıkalyq turǵyda jetkizýdiń tyń joldaryn qarastyrý taqyrybynda ótip jatqan konferensııa aıasynda bıyl 75 jyldyq mereıtoıy atalyp ótip jatqan jazýshy, «Alash» syılyǵynyń ıegeri Marhabat Baıǵuttyń «Túrkiler tóri Túrkistan» kitabynyń tanystyrylymy ótti. Elimizge belgili ǵalymdar, qalamgerler, Senat, Májilis, Túrkistan oblystyq máslıhatynyń depýtattary, oblys ákiminiń orynbasary Sáken Qalqamanov, aýdan, qala ákimderi, sondaı-aq, Túrkııa, Ázirbaıjan, О́zbekstan elderiniń jazýshylary, ádebıettanýshylary qatysyp, sóz sóılegen konferensııada Túrkistannyń tarıhyna, onyń  mán-mańyzyna qatysty qundy pikirler aıtyldy.

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar