Eń aldymen, kezekshi toptardyń jumystaryn uıymdastyrǵan kezde sanıtarlyq talaptardy saqtaý baqylaýǵa alynatyn bolady. Olar – dezınfeksııalyq týnnelderdi, termometrııany, sanıtaızerlerdi ornatý jáne betperde taǵý.
"Kezekshi toptardaǵy balalardyń qaýipsizdigi - erekshe nazarda", dep atap ótti B. Saǵyntaev
Oqýshy partalarynyń arasy 1 shaqyrym qashyqtyqta, partalar men oryndyqtar ár balaǵa jeke bekitilgen. Ár sabaq ótken saıyn synyptar ishi jeldetiledi jáne kvars júrgiziledi, oqýshylar men muǵalimder qoldaryn jýyp, antıseptıktermen súrtetin bolady. Mektepterde medısınalyq kabınetter jáne mektep ınspektorlary turaqty jumys jasaıtyn bolady. Qalanyń barlyq mektepteri týnnelder, sanıtaızerler, teplovızorlar, aıaqkıim kilemsheleri sııaqty dezınfeksııalyq jáne sanıtarlyq qaýipsizdik zattarymen qajetti kólemde qamtamasyz etilgen.
Qashyqtan oqytý úshin 75 myńnan astam oqýshy jáne 2 myń muǵalim kompıýterlik tehnıkamen qamtamasyz etiledi. Sonymen qatar, ınternet jáne uıaly baılanys jelileriniń qaı jerlerde qanshalyqty tómen ekenin anyqtaý úshin monıtorıng júrgizildi. Nátıjesinde 169 mekenjaı (lokasııalar) anyqtaldy, bularda ınternet sapasy tómen, tipti keıbir jerlerde múldem joq. Shamamen 60 núkte anyqtaldy, bularǵa uıaly operatorlardyń bazalyq stansııalaryn ornatý josparlanǵan.
Birqatar mekenjaılar boıynsha taratý jelileri kúsheıtiledi nemese qosymsha jeliler ornatylatyn bolady.
Internet jelisine muqtaj 22 myńnan astam oqýshy uıaly málimetteri bar SIM-kartalarmen qamtamasyz etildi. Sonymen birge, ınterneti joq muǵalimderge mektepterde qajetti sanıtarlyq sharalardy qamtamasyz ete otyryp, onlaın-sabaqtar ótkizýge múmkindik beriledi.
Ata-analardyń shaǵymdary men ótinishterine dereý nazar aýdarý úshin qalanyń barlyq aýdandarynda Koll-ortalyqtar, al Bilim basqarmasynda Telegramm bot qurylǵan. Instagramm jáne Facebook áleýmettik jelilerinde paraqshalar ashylǵan.
