Ekologııa • 27 Tamyz, 2020

Almaty oblysynda sýarmaly kezeń sátti aıaqtaldy

25 ret kórsetildi

Jýrnalıster Islam Damý Banki qarjylandyrǵan Kóksý sý qoımasyn qaıta jańǵyrtý jobasymen tanysyp, sol jerden sýarmaly sý alatyn sharýa qojalyqtarynyń basshylarymen suhbattasty. Sondaı-aq Eskeldi aýdany boıynsha sý tasymaldaý júıesiniń jumysymen tanysty. Budan bólek, Qyzylaǵash sý qoımasy qurylysynyń aıaqtalý shegindegi jumys barysyn baǵamdap qaıtty. Bul týraly press-týr barysynda "Qazsýshar" RMK Almaty oblysy bólimshesiniń dırektory Smaıyl Qýmetov málimdedi, dep habarlaıdy Egemen.kz

Bıyl Almaty oblysyndaǵy ózenderiniń sý deńgeıiniń tómen bolýyna baılanysty «Qazsýshar» RMK óńirdegi sharýa qojalyqtaryn sýarmaly sýmen qamtamasyz etý úshin aýqymdy jumystar júrgizgen bolatyn. Atap ótsek, birqatar gıdrobeketter men sý toraptary salyndy. Sý deńgeıi táýlik boıy baqylaýǵa alyndy. Arnaıy mamandardan qurylǵan komıssııa sý tapshylyǵy baıqalǵan aımaqtarǵa baryp, sýarmaly sýdyń teń bólinýin qadaǵalady.

"Sý deńgeıiniń tómen bolýyna baılanysty "Qazsýshar" RMK Almaty oblystyq bólimshesiniń mamandary óńirdegi ózender boıynsha sý berilý tártibin ázirledi. Jergilikti sharýa qojalyqtarynyń basshylarymen birlese otyryp, sý berý kestesin daıyndadyq. Sońǵy bir aıdyń ishinde óńirde sý tapshylyǵy joıylyp, jaǵdaı turaqtaldy dep aıtýǵa bolady", dedi Smaıyl Qýmetov.

Kúrdeli kezeńde qalyptasqan Aqsý aýdanyndaǵy sý tapshylyǵy máselesin ońtaıly sheshkeni úshin "Keleshek", Kvıtko jáne "Qylyshbekov" syndy jergilikti sharý qojalyqtarynyń basshylary da gıdrotehnık mamandarǵa alǵysyn aıtty. Táýlik boıy kezekshilik jasap, sýarmaly jerlerge sý jetkizgeni úshin rızashylyǵymyzdy bildiremiz dedi sharýalar.

Búgingi tańda oblys boıynsha tórt aýdanda sýarmaly sý tasymaldaý jelilerin qaıta jańǵyrtý jumystary aıaqtalýǵa jaqyn. Olar Alakól, Aqsý, Kóksý jáne Eskeldi aýdandary. Atalmysh eldi mekenderdegi sýarmaly jerlerdiń jalpy aýmaǵy 35,4 myń gektardy quraıdy. Islam Damý Banki osy óńirlerdegi sý nysandaryn qalpyna keltirý úshin 18 mlrd. teńge qarajat bólgen. Osylaısha búgingi tańda Eskeldi aýdanyndaǵy mehanıkalyq tazartý jumystary 80%-ǵa, beton kanaldardy jańartý jumystary 90%-ǵa aıaqtalǵan. Al, Aqsý aýdanyndaǵy qaıta jańǵyrtý jumystary 2021 jyldyń úshinshi toqsanynda máresine jetedi dep josparlanýda dedi S.Qýmetov.

Aıta keteıik, "Qazsýshar" RMK Almaty oblystyq bólimshesi 7 aýdan men 2 qalaǵa sý arnalary arqyly sýarmaly sý beredi. Olar Almaty oblysynyń Aqsý, Alakól, Eskeldi, Qaratal, Kóksý, Panfılov, Uıǵyr aýdandary men Qapshaǵaı jáne Taldyqorǵan qalalary. Bólimshe balansynda 15 sý jınaý toraby, 9 sý qoımasy jáne 5 myń shaqyrymdyq sý taratý jelileri bar. Ol arqyly 8 aýdannyń sharýa qojalyqtaryna sýarmaly sý jetkizilýde. 

Bıylǵy jyldyń alǵashqy 6 aıynda "Qazsýshar" RMK Almaty oblystyq bólimshesi 7 myńnan astam sharý qojalyǵymen kelisimshart jasasqan. Qazirgi tańda kórsetilgen qyzmet sheńberinde 441 880,0 myń tekshe metr sý taratylǵan. Al mejelengen jospar 397 526 myń tekshe metr bolatyn. Osylaısha jospardy oryndaý kórsetkishi 120%-dy qurady.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Bar úmitimiz Almat Kebisbaevta

Sport • Búgin, 16:45

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar