Qazaqstan • 27 Tamyz, 2020

Úkasha ata qudyǵy

1441 ret kórsetildi

"Áziret Sultan" memlekettik tarıhı-mádenı qoryq-mýzeıiniń uıymdastyrýymen Úkasha ata kesenesine zırat etýshilerdi taza aýyz sýmen qanymdaý jáne nysan mańyndaǵy kóshetter men gúlderdi sýaryp, kógaldandyrý isi óz sheshimin tapty. Bul shara demeýshiler tarapynan qoldaý taýyp, kesene janynan quny 5 000 000 teńgeni quraıtyn 40 metrlik artezıan qudyǵy qazyldy. Sonymen qatar, qudyq mańyna tas tóselip, abattandyrý jumystary júrgizildi, - deıdi qoryq-mýzeıdiń baspasóz qyzmeti.

Jańa qudyqty qazyp, paıdaǵa bergen demeýshi Ońǵarbek qajy Meıirbekuly: «Jaz mezgilinde Úkasha ata basyna kelýshi taza sýdan tapshylyq kóretin jáne túrli jemis kóshetterin sýarý, kógaldandyrý máselesi qıyndyq týdyratyn. Jasyl-jelekter arnaıy kóliktermen sý tasymaldaý arqyly sýarylyp keldi. Osy qıyndaqty boldyrmaý úshin kesene janynan artezıan qudyǵyn qazdyrdym» deıdi.  

1

«Áziret Sultan» memlekettik tarıhı-mádenı qoryq-mýzeıine qarasty respýblıkalyq mańyzy bar eskertkishter qataryna kiretin Úkasha ata kesenesi qazir jańarý ústinde kórinedi. Atap aıtqanda, nysan mańyndaǵy oryndyqtar jańartylyp, avtoturaqqa elektr shamdary tartylyp, jaryqtandyrylýmen qatar, zııaratshylar demalatyn oryndar zaman talabyna saı kórkeıtilýde.

Sondaı-aq, mýzeılendirý jumystary boıynsha «Úkasha ata tarıhy» jáne  sahabanyń ómirinen syr shertetin qundy málimetter men 70-ten astam arheologııalyq, etnografııalyq, jazba mádenıetine qatysty jádigerler qoıylypty. Zııaratshylardyń ótinishterin qanaǵattandyrý maqsatynda, otyn, sý qoıatyn úlken bastyrma jasalyp, halyq ıgiligine berilse, baba basyna baratyn júrginshi joldary qaıta jóndelgen kórinedi.

«Bul jumystar  «Áziret Sultan» memlekettik tarıhı-mádenı qoryq-mýzeıi» RMQK  qabyldaǵan 2018-2021 jyldarǵan arnalǵan damý josparyna sáıkes tarıhı oryndardy abattandyrý, kelgen týrıster men zııaratshylarǵa sapaly qyzmet kórsetý boıynsha birqatar jumystar demeýshilerdi tarta otyryp júzege asýda» deıdi qoryq-mýzeıiniń dırektory N.Ahmetjanov myrza.

Jańa qudyqqa kóteriletin jolǵa múgedekterge arnalǵan jolaq salyp, pandýs ornatý da nazardan tys qalmapty. Tazalyq jumystaryna baılanysty arnaıy qaldyq jáshikter men eskertpe taqtaıshalarda ornatylǵan eken.
Kóktemde  kesene mańyna 100-den astam máýe aǵashtary men shyrsha taldary jáne gúlder  otyrǵyzylypty. Tarıhı-kıeli oryndardy abattandyrý jáne mýzeılendirý jumystary aldaǵy ýaqytta da jalǵasyn tabatyn bolady, - deıdi qoryq-mýzeı ákimshiligi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar