Mektep jasyna deıingi oryn tapshylyǵyn sheshý maqsatynda jyl basynan beri 670 oryndy tórt memlekettik bóbekjaı paıdalanýǵa berilgenin aıtqan ákim, aǵymdaǵy jyldyń sońyna deıin bir memlekettik bala baqshanyń qurylysy aıaqtalatynyn jáne 520 oryndy taǵy úsh jańa bala baqshanyń qurylysy bastalatynyn málimdedi.
361 jeke bala baqshalarǵa 17,5 oryndy memlekettik bilim tapsyrys berilgen. Degenmen, oryn tapshylyǵy azaımaı tur. О́ıtkeni, ata-analar balalaryn jeke bala baqshalardaǵydaı qosymsha tólemdi qajet etpeıtin memlekettik bala baqshalarǵa bergileri keledi.
«Balalardy mektep jasyna deıingi tárbıemen qamtýdy ulǵaıtý úshin biz Úkimetke jeke bala baqshalardaǵy qosymsha qyzmetterge ata-analardyń aqy tóleýin jartylaı joıý jóninde usynys jasaǵan edik. Bizdiń bul usynysymyz qoldaý tapty, osy maqsat úshin jergilikti bıýdjetten shamamen 3 mlrd teńgege jýyq qarjy bólinetin bolady», - deıdi B. Saǵyntaev.
Bul óz kezeginde balalary jeke bala baqshalarǵa baratyn otbasylardyń shyǵyndaryn azaıtýǵa yqpal etpek. Osy oń sharanyń qolǵa alynýy arqasynda jeke bala baqshalarda qosymsha 5 myńǵa jýyq oryn ashylady dep kútilýde. Qalada 893 mektep jasyna deıingi mekemeler jumys jasaıdy, olardyń tek 189 (21,2%) memlekettik, 704 (78,8% jeke bala baqshalar. 3 jastan 6 jasqa deıingi 18 myńnan astam bala kezekte tur.
2021 jyly jobalyq qýattylyǵy 2 590 oryn bolatyn 13 bala baqsha iske qosý josparlanǵan. Ǵımarattardy qaıtarý jáne olardy modernızasııalaý jolymen qosymsha 2200 oryn ashylatyn bolady. Osylaısha, 2020-2021 jyldary qosymsha barlyǵy 12790 oryn qurylady, al bul bala baqsha kezegin 70%-ǵa tómendetedi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
