Semınarlardy QR Eńbek jáne halyqty áleýmettik qorǵaý mınıstrligi Nursultan Nazarbaev Qory janyndaǵy "Qamqorlyq qory" korporatıvtik qorynyń qoldaýymen uıymdastyrady. Semınarlar sıklin múgedektigi bar adamdardyń "Keńes" áleýmettik beıimdeý jáne eńbekpen ońaltý ortalyǵy qoǵamdyq birlestigi ázirledi.
Jobaǵa stasıonar jaǵdaıynda qyzmet kórsetetin memlekettik mekemelerdiń mamandary qatysady. Olarǵa mekeme dırektory, ádisker, psıholog, logoped, defektolog muǵalimder, tárbıeshiler, jattyǵý terapııasy jónindegi ınstrýktorlar jáne t. b. kiredi.
Onlaın kýrstan ótip, MÁM mamandary qamqorlyqqa alynǵan adamdardy ózine-ózi qyzmet kórsetý, jeke gıgıena, áleýmettik-turmystyq baǵdarlaný jáne t.b. sııaqty áleýmettik mańyzdy daǵdylarǵa úırete alady. Sonymen qatar, alynǵan bilim negizinde MÁM mamandary óz óńirlerinde áleýmettik qyzmetkerlerdi odan ári oqytady.
