COVID-19 jer betinen ketkisi kelmeıtindeı. Latyn Amerıkasyndaǵy memleketterge, AQSh pen Indııa syndy tyrnaǵyn qatty batyrǵan vırýs kári qurlyq Eýropany da kezip júrgenine biraz ýaqyt boldy. Alǵashqy bolyp SARS-CoV-2-den aýyr soqqy alǵan Italııa jurtshylyǵy qaı jaǵynan da eseńgiredi. О́zdiginen COVID-19-dyń zardabyn jeńe almaıtyn bolǵandyqtan Eýropalyq Odaq kómek beretin basty benefısıarǵa aınaldy. Ispanııa da jaǵdaı máz bolmaı, syrtqy týrızmnen qomaqty qarajat jııatyn elge barys-kelistiń toqtaýy qazynadaǵy qarajatty kemitip, túbek jurtyn abdyratyp tastady. Ásheıinde týrısterden arylmaıtyn Katalonııa men Aragon kásipkerleriniń bıznesi toqyrady. Barlar men meıramhana, otelder, jaǵajaılar men mýzeıler, kórseń kóz sýaratyn sulý tabıǵat adam tabanynyń izin ańsap qaldy. Degenmen, Eýropa jurtshylyǵy jaz shyqsa saıahattamaı otyrmaıdy.
Eýropalyqtardyń pandemııa sharpýy azdaý-aý degen elderge baryp, demalyp qaıtýy, júris-turystyń ósýi sońǵy ýaqytta SARS-CoV-2-niń qaıta jandanýyna jol ashqandaı. Sol sebepti keıbir elder aýrýdy aýyzdyqtaıtyn sharalardy kúsheıtýge májbúr boldy. máselen, Germanııa úkimeti halyq kóp jınalatyn sharalardyń barlyǵyn jyldyń aıaǵyna deıin toqtatýdy qajet dep sanaıdy. Vengrııa bıligi de 1 qyrkúıekten bastap shetel azamattary úshin shekarasyn bekitýge sheshim qabyldady. Endi 1-nen bastap sheteldikter Vengrııaǵa asa eleýli sebep barlyǵyn dáleldemese kire almaıdy. Buǵan qosa syrttan kelgen óz azamattary da eki apta boıyna oqshaýlanýy tıis. Nemese vırýsqa qarsy eki taldamasynyń qortyndysynda vırýs joqtyǵy týraly anyqtama tapsyrýy tıis.
