Vırtýaldy formatta alǵash ret ótken is-shara barysynda Semeı polıgonynyń qasireti týraly qysqasha derekti fılm kórsetilgenen keıin qatysýshylar ıadrolyq qarýdy qoldaný jáne synaý qurbandaryn bir mınýt únsizdikpen eske aldy.
Elshi Raýshan Esbýlatova óziniń quttyqtaý sózinde Qazaqstannyń Tuńǵysh Prezıdenti – Elbasy Nursultan Nazarbaevtyń ıadrolyq qarýǵa qarsy jahandyq bastamany ilgeriletýdegi aıryqsha rólin atap ótti.
Álemdegi tórtinshi ıadrolyq áleýetten bas tartý halyqaralyq qoǵamdastyqqa jas Qazaqstannyń beıbit nıeti týraly aıqyn belgi berdi. Bul tarıhı qadam eldiń halyqaralyq qyzmetiniń bolashaǵyn anyqtady. Qazaqstan Elbasynyń basshylyǵymen ıadrolyq qarýsyzdaný men taratpaýdyń eń belsendi jaqtaýshylarynyń birine aınaldy.
Respýblıkamyz TMD-ǵa múshe-memleketterdiń arasynda alǵashqy bolyp Iаdrolyq qarýdy taratpaý týraly shartqa jáne Iаdrolyq synaqtarǵa jappaı tyıym salý týraly shartqa qosyldy. Semeı shartyna qol qoıý arqyly Ortalyq Azııadaǵy Iаdrolyq qarýdan azat aımaq quryldy – bul Soltústik jarty shardaǵy osyndaı alǵashqy aımaq boldy.
Osydan 10 jyl buryn Qazaqstannyń bastamasymen BUU Bas Assambleıasynyń qararymen 29 tamyz Iаdrolyq synaqtarǵa qarsy halyqaralyq is-qımyl kúni bolyp jarııalandy. 2015 jyly BUU BA Iаdrolyq qarýdan azat álemge qol jetkizý jónindegi jalpyǵa ortaq deklarasııany qabyldady. 2017 jyly Qazaqstan aýmaǵynda MAGATE Tómen baıytylǵan ýran bankin qurý barlyq múddeli memleketterge beıbit atomǵa qol jetimdilikti ashty. Qazaqstannyń ıadrolyq qarýsyzdaný isine beıildiliginiń taǵy bir dáleli – memleketimizdiń jappaı qyryp-joıý qarýyna tyıym salý salasyndaǵy zańdy olqylyqtyń ornyn toltyrýǵa baǵyttalǵan Iаdrolyq qarýǵa tyıym salý týraly shartty ratıfıkasııalaýy boldy. R.Esbýlatova is-sharaǵa qatysýshylarǵa N.Nazarbaev BUU minberinen málimdegen 2045 jylǵa deıin ıadrolyq qarýdan azat álem qurý týraly órshil maqsatqa jetý úshin kúsh-jigerdi biriktirýge shaqyrdy.
AzTMEÁK Atqarýshy hatshysy Armıda Salsıa Alıshahbana is-sharaǵa qatysýshylarǵa arnaǵan sózinde Qazaqstan bastamasy Iаdrolyq synaqtarǵa qarsy halyqaralyq is-qımyl kúni ıadrolyq jarylystardan zardap shekkenderdi eske túsirip qana qoımaı, 2030 jylǵa deıingi Ornyqty damý salasyndaǵy kún tártibi úshin birigýge shabyttandyratynyn atap ótti.
Beınekonferensııada AzTMEÁK basshysymen qatar Aýstrııa men Chılı Elshileri, Taıland SIM Halyqaralyq uıymdar departamenti Bas dırektorynyń orynbasary, sondaı-aq Japonııa, OAR jáne Shrı-Lanka elshilikteriniń ókilderi sóz sóıledi. Qatysýshylar Qazaqstan elshiligine is-sharany ótkizý bastamasy úshin alǵys bildirdi. Sondaı-aq, taratpaý salasyndaǵy problemalardy sheshýdegi, halyqaralyq ıadrolyq qarýsyz bastamalardy ilgeriletýdegi respýblıka basshylyǵynyń qyzmetin joǵary baǵalap, ıadrolyq qarýdan azat álemge qol jetkizý úshin álemdik qoǵamdastyqtyń kúsh-jigerin biriktirýge shaqyrdy.
Sonymen qatar, Halyqaralyq qaýipsizdik jáne saıasat ortalyǵynyń dırektory A.Ahmetov azamattyq qoǵam atynan sóz sóılep, ıadrolyq synaqtardy tolyq jáne jappaı toqtatý úshin shuǵyl sharalar qabyldaý qajettigin atap ótti. Iаdrolyq synaqtarǵa qarsy halyqaralyq is-qımyl kúnine arnalǵan osyndaı is-shara Qazaqstan Elshiliginiń bastamasymen AzTMEÁK shtab-páterinde úshinshi jyl ótkizilip, jaqsy dástúrge aınaldy.
