1 qyrkúıekte Qazaqstan aýmaǵynan atmosferalyq aǵyndardyń ótýine baılanysty respýblıkanyń basym bóliginde aýa raıy qubylmaly bolady. Respýblıkanyń keı jerlerinde jańbyr jaýyp, naızaǵaı oınaıdy.
Elimizdiń tek ońtústik, ońtústik-batysynda ǵana aýa raıy jaýyn-shashynsyz. Qazaqstannyń keı bóliginde ǵana tuman túsip, jel kúsheıedi.
Soltústikte burshaq jaýýy múmkin. Aqmola, Qostanaı oblystarynyń keı jerlerinde naızaǵaı oınap, tuman túsedi, jel sekýndyna 15-20 metr jyldamdyqpen uıtqıdy. Aqmola oblysynda burshaq jaýýy múmkin.
Soltústik Qazaqtan oblysynyń keı jerlerinde naızaǵaı oınap, tuman túsedi.
Qaraǵandy, túnde Pavlodar oblystarynyń keı jerlerinde jel 18 m/s jyldamdyqpen soǵady. Kúndiz Jambyl, Almaty, Túrkistan oblystarynyń keı jerlerinde naızaǵaı oınap, jeldiń jyldamdyǵy sekýndyna 15-20 metr bolady. Batys Qazaqstan oblysynyń birqatar óńirinde tuman túsedi.
Shyǵys Qazaqstan oblysynyń keı jerlerinde naızaǵaı oınap, jel kúsheıedi, jyldamdyǵy sekýndyna 15-20 metr bolady.
Qyzylorda, Túrkistan oblystarynda, Jambyl, Qaraǵandy, Atyraý oblystarynyń basym bóliginde, Batys Qazaqstan, Aqtóbe oblystarynyń keı jerlerinde, Pavlodar oblysynyń soltústiginde óte joǵary órt qaýipi saqtalady.
