"Qazaqstan Prezıdentiniń halyqqa Joldaýy respýblıkanyń árbir turǵyny úshin mańyzdy oqıǵa, óıtkeni onda eldiń odan ári damý baǵyttary belgilengen. Memleket basshysy pandemııa men álem ekonomıkasynyń quldyraýyna baılanysty ómirdiń barlyq salalaryndaǵy daǵdarystan shyǵýǵa múmkindik beretin mańyzdy reformany iske qosty.
Prezıdent qıyn kezeńge qaramastan memleket qol jetkizgen jetistiktermen toqtap qalmaýy tıis ekenin ári áleýmettik, ekonomıkalyq jáne basqa da salalardy damytýdyń jańa múmkindikteri izdestirile beriletinin atap ótti.
Memleket basshysy Q.Toqaev Joldaýda «halyq únine qulaq asatyn memleket» tujyrymdamasy aıasynda quqyq qorǵaý jáne sot júıesin odan ári reformalaý jóninde naqty tapsyrmalar berdi.
Azamattardyń konstıtýsııalyq quqyqtary men bostandyqtaryn qorǵaý basty basymdyq bolyp qala beredi. Jan-jaǵymyzdyń qarqyndy ózgerip jatqanyn, eldegi qazirgi jaǵdaıdy eskere otyryp, polısııa men azamattar arasyndaǵy jumystyń jańa ozyq ádisteri engiziletin bolady.
Azamattardyń quqyqtaryn qorǵaýdy kúsheıtý, olardy qylmystyq qýdalaý aıasyna negizsiz tartýdy joıý maqsatynda Prezıdent Qazaqstanda ókilettikterin naqty bóle otyryp, úsh býyndy: polısııa-prokýror-sot úlgisin engizýdi tapsyrdy, bul tejemelik jáne tepe-teńdik júıesin nyǵaıtýǵa múmkindik beredi.
Jergilikti polısııa qyzmeti "bir qadamdyq qoljetimdiliktegi polısııa" qaǵıdaty boıynsha reformalanatyn bolady, onda ýchaskelik ınspektordyń mártebesin zańnamalyq deńgeıde kóterý arqyly olarǵa basty ról beriledi.
Sonymen qatar, Prezıdent zań shyǵarý men zańdardy qabyldaýdyń baıaýlyǵyna jáne normatıvtik quqyqtyq aktilerdi quqyqtyq reglamentteý deńgeıiniń teńgerimine erekshe nazar aýdaryp otyr.
Joldaýdyń aıasynda qylmystyq jáne qylmystyq is júrgizý kodeksterine jıi ózgerister engizý máseleleriniń mańyzy zor ekeni aıtyldy, óıtkeni quqyq qoldanýshylar men azamattar úshin qoldanystaǵy zańdardyń turaqtylyǵy mańyzdy.
Belgilengen jospardy iske asyrý úshin berilgen barlyq tapsyrmalardy sheshýge baǵyttalǵan birqatar zańnamalyq aktilerdi qabyldaý qajet, al depýtattyq korpýstyń mindeti - halqymyzdyń ıgiligi úshin jumys isteıtin sapaly zańdar qabyldaý bolyp otyr", edi Senat depýtaty.
