Álem • 05 Qyrkúıek, 2020

Amerıkada Iаdrolyq synaqtarǵa qarsy halyqaralyq is-qımyl kúni atap ótildi

302 ret

kórsetildi

1 mın

oqý úshin

Amerıkalyq bedeldi beıbitshilik jáne ıadrolyq qarýsyzdaný jónindegi "Arms Control Association" úkimettik emes uıymy "Center for Policy Research" (SUNY-Albany) zertteý ortalyǵymen birlesip, 29 tamyz – Iаdrolyq synaqtarǵa qarsy halyqaralyq is-qımyl kúnine oraı arnaıy vırtýaldy brıfıng ótkizdi, dep habarlaıdy Egemen.kz.

Jibek AǴDARI

Amerıkada Iаdrolyq synaqtarǵa qarsy halyqaralyq is-qımyl kúni atap ótildi

Is-sharanyń ashylýynda Qazaqstannyń AQSh-taǵy Elshisi Erjan Qazyhanov osy datanyń Qazaqstan úshin sımvolıkasy men mańyzdylyǵyn atap ótti. Semeı ıadrolyq synaq polıgony 1991 jyly 29 tamyzda Qazaqstannyń Tuńǵysh Prezıdenti - Elbasy Nursultan Nazarbaevtyń Jarlyǵymen jabylǵany málim. Sondaı-aq, Qazaqstannyń Elshisi Iаdrolyq synaqtarǵa jappaı tyıym salý týraly kelisimdi alǵashqy ámbebaptandyrý ıadrolyq qarýdan azat álemge qol jetkizýdiń taptyrmas sharty bolýy qajettigin jetkizdi.

Amerıkalyq jáne halyqaralyq sarapshylar ıadrolyq synaqtarǵa jahandyq moratorııdi saqtaý jáne ıadrolyq qarýdy taratpaý rejımin nyǵaıtý boıynsha tıimdi sharalardyń, sondaı-aq Qazaqstannyń jappaı taratpaý jáne qarýsyzdaný salasyndaǵy keńinen qoldaý tapqan bastamalarynyń ózektiligin atap ótti.

Iаdrolyq synaqtarǵa qarsy halyqaralyq kún 29 tamyzda atap ótiledi. Ol Qazaqstannyń bastamasymen 2009 jyly 2 jeltoqsanda BUU Bas Assambleıasynyń 64-sessııasynda 64/35 qararymen biraýyzdan qabyldandy.