Bul apparat emdeý mekemelerinde jansaqtaý jáne qarqyndy terapııa bólimderinde eresekter men balalardyń ókpesin uzaq ýaqyt boıy jeldetýge arnalǵan. О́JJ apparaty QR Densaýlyq saqtaý mınıstrliginiń talaptaryna saı keledi jáne Nur-Sultan qalasyndaǵy Kópsalaly juqpaly aýrýlar ortalyǵynda sátti synaqtan ótip, medısına mamandarynyń oń saraptamalyq qorytyndysyn alǵan.
Búgingi tańda jergiliktendirý deńgeıin 30%-ǵa deıin jetkizýmen, ony 50% jáne odan da kóp paıyzǵa ulǵaıtý perspektıvasymen О́JJ apparattaryn óndiristik qurastyrý júzege asyrylýda. О́ndiristik sıkl kezeńinde jergiliktendirý deńgeıi "Qazaqstan Aselsan ınjınırıng" JShS-nyń zamanaýı tehnologııalyq jabdyqtarmen jabdyqtalýynyń jáne elektrondy, radıoelektrondy jáne optıkalyq prıborlar salasyndaǵy ınjenerlik-tehnıkalyq personaldyń quzyretiniń joǵarylyǵynyń arqasynda artatyn bolady. О́JJ apparattary óndirisine QR basqa da qorǵanys salasy kásiporyndarynyń tehnologııalyq áleýeti tartylǵan.
Densaýlyq saqtaý mınıstrliginiń jóneltýge ruqsaty boıynsha О́JJ apparattary bıyl qyrkúıek-qazan aılarynda elimizdiń barlyq óńirleri boıynsha medısına mekemelerine 1500 dana kóleminde jetkiziletin bolady.
О́JJ apparattaryn qurastyrýmen qatar, kásiporynnyń ınjenerlik-tehnıkalyq personaly emdeý mekemelerindegi medısına qyzmetkerleriniń oqytylýyn qamtamasyz etedi, sondaı-aq 24/7 rejıminde tehnıkalyq qoldaýdy júzege asyrady. Kásiporyndarǵa 3 jyl boıy kepildikti qyzmet kórsetý merzimi usynylady.
Úkimet basshysy óndirispen tanysyp, elimizdiń medısına mekemelerine ónimderdi ýaqytyly jetkizýdi qamtamasyz etýdi tapsyrdy.
"Qazaqstan Aselsan ınjınırıng" JShS óndiristik alańyn aralaýǵa Premer-Mınıstrdiń orynbasary R. Sklıar, ındýstrııa jáne ınfraqurylymdyq damý mınıstri B. Atamqulov, densaýlyq saqtaý mınıstri A. Soı jáne Nur-Sultan qalasynyń ákimi A. Kólginov qatysty.
