"Dostar, byltyrdan beri elimizdiń shalǵaıdaǵy aýyldarynda ornalasqan mektepterge "Kúmis kitabymdy" tegin jiberip kele jatyrmyn. Byltyr 150 kitap jóneltilse, bıyl onyń sanyn 250 kitapqa deıin jetkizdik jáne bul shara jalǵasyn tabýda.
"Kúmis kitapty" 2016 jyly jazǵanymdy bilesizder. Sodan beri el boıynsha myńdaǵan oqýshylarymyzdyń kitap oqýǵa qushtarlyǵyn oıatqan týyndyǵa aınaldy", degen avtor bul joly kitapty muǵalimderge jekelep taratqysy keletinin bildirdi.
"Kitaphanalarǵa tizim boıynsha jibere bersek, kitaptyń oqylý yqtımaldyǵy tómen bolýyn joqqa shyǵara almaımyz. Oqýshylar tipten kitaphanasyna kitabymnyń jetkenin bilmeýi de múmkin. Men memlekettik organ emespin, maǵan nátıje kerek, demek, shań basyp jatpaı, kitapty kóbirek oqýshynyń shyn máninde alyp oqyǵany mańyzdy.
Sol úshin bul joly aldymen elimizdiń nıet bildirgen janashyr muǵalimderi men kitaphanashylaryna taratýdy jón sanap otyrmyn.
"Kúmis kitapty" TEGIN alýdyń sharty qıyn emes:
Aýyldyq mektepte muǵalim ne kitaphanashy bolý; Kitappen ózińiz tanysyp shyǵýyńyz kerek; Oqyp bolǵan soń, ózińiz sabaq beretin synyptarǵa mazmunyn aıtyp berýińiz kerek (shaǵyn vıdeoesep jiberý kerek); Menimen ZOOM qosymshasy arqyly oqýshylarmen kezdestirý uıymdastyrýyńyz kerek.Men jas urpaqqa, erteń meniń bolashaǵymnyń qanshalyqty jarqyn bolatynyn anyqtaıtyn oqýshylarǵa kitap oqýdyń mańyzy jaıynda jáne tehnıkalary týraly el boıynsha neshe synyp bolsa, sonyń barlyǵyna múmkindiginshe ZOOM arqyly TEGIN dáris oqýǵa daıynmyn.
Osy sharttar oryndalsa, men mektebińizdiń kitaphanasyna kóbirek kitaptar jiberemin.
Qyzyqqan muǵalimder osynda nemese jekege, nemese +7 777 233 20 20 nómirine ýatsapqa jazýyna boladyá, delingen jazbada.
