Parlament • 09 Qyrkúıek, 2020

Májilis birqatar zań jobasyn maquldady

13 ret kórsetildi

Májilis Spıkeri Nurlan Nyǵmatýlınniń tóraǵalyǵymen ótken jalpy otyrysta Palata aktilerine adamdardy Qazaqstan Respýblıkasynyń sheginen tys shyǵaryp jiberý kezinde ustaý merzimderin retteý máseleleri boıynsha depýtattar ázirlegen zań jobasyna túzetýlerdi birinshi oqylymda maquldady, dep habarlaıdy Egemen.kz Májilistiń baspasóz qyzmetine silteme jasap.

Zań jobasyn qabyldaý adam quqyqtaryn qorǵaý salasyndaǵy ulttyq zańnamaǵa halyqaralyq standarttardy engizý múmkindik beredi.

Sondaı-aq Konstıtýsııalyq Keńestiń adamdardy (sheteldikter men azamattyǵy joq adamdardy) elimizden tysqary jerlerge shyǵaryp jiberý kezinde ustap alý merzimderin qosymsha zańnamalyq retteý týraly usynystaryn oryndaý, olardy ustap alý jáne keıinnen ishki ister organdarynyń arnaýly mekemelerine ornalastyrý tártibin reglamentteýdi qarastyrady.

Osy mindetterdi iske asyrý azamattardyń, sondaı-aq sheteldikter men azamattyǵy joq adamdardyń bostandyǵyna jáne jeke basyna qolsuǵylmaýshylyǵyna quqyqtardy qorǵaý salasyndaǵy ulttyq zańnamany odan ári jetildirýdi qamtamasyz etedi. Búgingi otyrysta depýtattar birqatar ratıfıkasııalyq zań jobalaryn maquldady. Atap aıtqanda, Qazaqstan men Lıýksembýrg arasyndaǵy tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konvensııaǵa tolyqtyrý engizý týraly hattamany ratıfıkasııalaý týraly zań jobasy.

Bul hattamany ratıfıkasııalaý ınvestısııalar úshin qolaıly jaǵdaılar jasaýǵa, ekonomıkalyq yntymaqtastyqty nyǵaıtýǵa jáne salyq salý máseleleri boıynsha aqparat almasý arqyly eki memlekettiń salyq qyzmetiniń yntymaqtastyǵyn keńeıtýge múmkindik beredi.

Hattamada tabys kózi bolyp tabylatyn memlekette dıvıdendterdi eger mundaı dıvıdendterdiń naqty ıesi Úkimet nemese ortalyq nemese jergilikti bılik organy, Ortalyq (Ulttyq) Bank nemese Úkimetke tolyǵymen tıesili kez kelgen basqa mekeme bolsa, salyq salýdan bosatý kózdeledi.

Sonymen qatar ShYU múshe memleketter arasyndaǵy birlesken áskerı oqý-jattyǵýlar ótkizý týraly kelisimge tolyqtyrýlar engizý týraly hattamany ratıfıkasııalaýǵa qatysty zań jobasyn maquldady. Hattamaǵa sáıkes Shanhaı yntymaqtastyq uıymyna múshe memleketter arasyndaǵy birlesken áskerı oqý-jattyǵýlar ótkizý týraly kelisim Shanhaı yntymaqtastyq uıymynyń múshesi bolyp tabylatyn kez kelgen memlekettiń oǵan qosylýy úshin ashyq. Búgingi jalpy otyrysta Palata «Notarıat týraly» zań jobasyn jumysqa aldy. Osynyń qatarynda EAEO múshe memleketterdiń eńbekshilerin zeınetaqymen qamsyzdandyrý jáne Keden odaǵyna múshe memleketterdiń keden qyzmetteriniń Birikken alqasy týraly shartqa ózgerister engizý týraly qujattardy ratıfıkasııalaýǵa qatysty zań jobalary bar.

Sonymen qatar búgingi jalpy otyrysta depýtattar altynshy sessııaǵa arnalǵan negizgi parlamenttik is-sharalar josparyn bekitti. Májilis Tóraǵasy Nurlan Nyǵmatýlın atap ótkendeı, aǵymdaǵy sessııa jumysy aýqymdy bolady dep kútilýde. Komıtetterdiń keńeıtilgen taqyryptyq otyrystarynda, dóńgelek ústelderinde qoǵamnyń ózekti máseleleri qaralady. Olardyń qatarynda ekologııa, agroónerkásiptik keshen, ǵylym, halyqqa qyzmet kórsetýdi jetildirý jáne t.b máseleler bar.

Aldyńǵy sessııadaǵydaı «Úkimet saǵattary» mınıstrdiń jalpy saladaǵy ahýal týraly emes, naqty bir memlekettik baǵdarlamanyń oryndalýy týraly esebimen jańartylǵan nysanda ótkiziletin bolady. Azamattarǵa quqyqtyq kómek kórsetýge boıynsha da parlamenttik tyńdaýlar josparlanǵan. Barlyq is-sharalar sanıtarlyq-epıdemıologııalyq talaptardy saqtaı otyryp uıymdastyrylady.

Májilis Tóraǵasy depýtattardyń jumys aýqymy, eń aldymen Memleket Basshysy Joldaýyndaǵy mindetterdi zańnamalyq júzege asyrýǵa baǵyttalatynyn aıta kelip:

- О́zderińiz kórip otyrǵandaı, eldegi qalyptasqan jaǵdaıǵa qaramastan biz osy sessııada ádettegideı kóptegen is-sharalar josparlap otyrmyz. Onyń ishinde, Úkimet saǵattary, parlamenttik tyńdaýlar, ártúrli kezdesýler jáne otyrystar da bar. Olardyń barlyǵynda eń aldymen, ekonomıkalyq-áleýmettik mańyzdy suraqtar talqylanatyn bolady. Árıne, is-sharalardy uıymdastyrý, ótkizý formatynda ózgerister bolsa da, ol jumys sapasyna eshqandaı áser etpeıdi. Ol jaǵynan ótken sessııadan da tájirıbemiz bar,– dedi.

Nurlan Nyǵmatýlın sonymen birge depýtattar jumysynyń ashyqtyǵyna jáne barlyq aqparattyq múmkindikterdi paıdalaný qajettigine basa nazar aýdardy. Otyrys sońynda Májilis depýtattary memlekettik organdar basshylaryna depýtattyq saýaldar joldady. Olar: D. Nurmanbetova, I.Aronova, D.Espaeva, M.Magerramov, I. Smırnova, A.Perýashev.

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

505-shi túrmeniń tutqyndary

Tarıh • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Uqsas jańalyqtar