"Koronavırýstyń jańa tolqynyna daıyndyq qyzý júrip jatyr. Qazaqstandaǵy medısınalyq mekemeler bir mezgilde 7 myńnan astam tósek-oryn daıyndaýǵa qaýqarly. Onyń ishinde 3 myńǵa tarta jansaqtaý bólimi bolady. Qazir elimizde 19 066 ınfeksııalyq tósek-oryn bar. Onyń qazirgi júktemesi 15%-dy qurap otyr. Infeksııalyq jáne provızorlyq ortalyqtarda 3 379 О́JJ apparaty bar, qosymsha 2 619 birlik satyp alynýda. Búgingi tańda emdeýge arnalǵan jalpy Qazaqstan boıynsha 21 566 tósek-oryn ottegimen qamtylǵan jáne qosymsha 9 300 oryndy qamtamasyz etý josparda bar. Ol osy aıdyń aıaǵyna deıin engiziledi", dedi Baǵdat Qojahmetov.
Onyń aıtýynsha, jyl sońyna deıin jedel-járdem qyzmeti Qazaqstanda shyǵarylǵan 1 167 sanıtarlyq avtokólikpen jabdyqtalady. Shalǵaıdaǵy aýyldar úshin 100 medısınalyq keshen satyp alynady.
