Qala ákiminiń aıtýynsha, el basshylyǵy osy baǵytqa erekshe kóńil bóledi. Qalada erekshe bilim berý qajettiligi bar balalardy tárbıeleý men oqytý úshin jaǵdaı jasaǵan mektepke deıingi uıymdardyń úlesi artqan.
"Tuńǵysh Prezıdent – Elbasy qorynyń bastamasymen mektepter bazasynda ınklıýzııany qoldaý kabınetteri ashyldy. Jazda "aýtızm" jáne DSP dıagnozy bar balalardy ońaltýǵa arnalǵan 2 ońaltý ortalyǵy ashyldy. Osy jyldyń sońyna deıin kórý qabileti buzylǵan balalarǵa arnalǵan balabaqshany, ıppoterapııamen aınalysýǵa arnalǵan jabyq at sporty manejin salyp, paıdalanýǵa beremiz. "Jastar" saraıynda ǵımaratqa, onyń ishinde basseınge jóndeý jumystaryn júrgizemiz – erekshe qajettiligi bar adamdar úshin qoljetimdi bolady jáne t.b. Osy baǵyttaǵy jumystar turaqty negizde júrgiziledi, deıdi elorda ákimi.
Sondaı-aq Altaı Kólginov azamattardy apta saıyn qabyldaıtynyn jine atylǵan máseleler josparǵa alynǵanyn qosa ketti.
Búginde tıimdi keri baılanys jáne qala turǵyndaryna áleýmettik kómek kórsetý úshin bir jyldan astam ýaqyt boıy "Januıa" otbasyn qoldaý ortalyǵy jumys isteıdi. Osy ýaqyt ishinde ortalyq 57 myńnan astam másele qarastyrdy.
