"Memlekettik bilim granttaryn taǵaıyndaý konkýrsy aıaqtaldy, endi qorytyndy jasaýǵa bolady. О́tken jyly akademııalyq adaldyqty qamtamasyz etý úshin erejelerdi qatańdatý týraly sheshim qabyldadyq. Osylaısha, qoldanyp úlgerse de, úlgermese de tyıym salynǵan zattarmen testileýge kirgen talapkerlerdiń nátıjelerin joıý týraly jańa normalar paıda boldy. Tipti, bul zattardy alyp kirýge áreket etkender emtıhanǵa jiberilmeıtin boldy. Buryn metall izdegish quraldar arqyly tekserý kezinde telefon tabylsa, alyp qalatyn edik, biraq talapker testileýge qatysa beretin", deıdi Bilim jáne ǵylym mınıstri.
Ashat Aımaǵambetovtyń aıtýynsha, mundaı ereje buzýshylar sany elimiz boıynsha 100-150 myńnan asatyn. Eger emtıhan kezinde telefonmen ustalyp qalsa, komıssııaǵa ony qoldanyp úlgergenin dáleldeýi kerek edi. Bul jaǵdaı UBT-ny ótkizý rásimine degen senimsizdikke ákep soqtyrdy. Sondyqtan jańa erejelerdi qurastyrǵanda barlyq másele eskerilgenin naqtylady.
"Nátıjesinde, tyıym salynǵan zattardy emtıhanǵa kirgizýge áreket etetinder sany 70 esege azaıdy, 2019 jyly 128 myńnan astam telefon tabylsa, 2020 jyly olardyń sany 2500-ge jýyq boldy. Alaıda emtıhan qorytyndysyn joıý faktisi 100 esege kóbeıdi: 2019 jyly 128 telefon alyp kirý faktisi oryn alyp, 24 talapkerdiń ǵana UBT nátıjeleri joıylsa, al 2020 jyly tyıym salynǵan zattar tabylǵan barlyq 2500 adamǵa qatań shara qoldanyldy", dep atap ótti mınıstr.
Mınıstrdiń málimetinshe, UBT-nyń ortasha upaıy tómendegen. Paıyzdyq mólsherde shekti ball jınaǵan talapkerlerdiń sany edáýir azaıdy. Bul – testileýdiń ádil ótýi úshin jasalǵan qadam. Bıyl UBT ótkizý erejelerin buzǵany nemese jumysty nashar uıymdastyrǵany úshin 20-dan astam KOMISSIIа múshesi men basshy jazalandy. Kún saıyn UBT pýnkterindegi komıssııalardyń quramyna ózgertýler engizýge, mindetine nemquraıdy qaraǵan áriptesterimizdi aýystyrýǵa nemese bul jumystan shettetýge týra kelgenin qosa ketti.
"Birneshe pýnkte jappaı buzýshylyqtardyń ashyq jáne óreskel túrde oryn alýyna baılanysty testileýdi múldem toqtatýǵa jáne basqa kúnderge aýystyrýǵa májbúr boldyq. Osyndaı jaǵdaı Shyǵys Qazaqstan men Túrkistan oblystarynda kezdesti. Degenmen Bilim jáne ǵylym salasyndaǵy sapany qamtamasyz etý komıteti men Arnaıy monıtorıngtik toptaǵy áriptesterimizdiń belsendiligi men birlesken kúsh-jigerimizdiń arqasynda qajetti tártipti qamtamasyz ete aldyq", deıdi A.Aımaǵambetov.
Ashat Aımaǵambetov mundaı sheshimderdi qabyldaý ońaı bolmaǵanyn jáne talapkerlerdiń áli bala bolsa da, erejeni saqtaýǵa, óz kúshine ǵana senýge úıretý – mańyzdy ekenin aıtyp ótti.
