Koronavırýstyń ekinshi tolqyny álemdik ekonomıka úshin aıtarlyqtaı soqqy bolýy múmkin. Munaıǵa degen suranys pen baǵanyń tómendeý qaýpi taǵy da artyp keledi, bul Ulttyq Bank sarapshylarynyń teris nátıje kútýleriniń basty sebebi. Koronavırýspen ǵana emes, Ulttyq valıýtanyń álsireýimen de qazaqstandyqtar úshin ótken jaz este qaldy. Teńge baǵamyna Reseı rýbliniń 4%-ǵa tómendeýi áser etti. Maýsymnan tamyzǵa deıin qazaqstandyq valıýta 2 paıyzǵa álsiredi. Biraq karantınge baılanysty elde dollarǵa suranys qalypty boldy.
Sarapshylardyń pikirinshe, koronavırýstyń ekinshi tolqyny teńge baǵamyna taǵy da soqqy berýi múmkin.
Qazaqstan 18 mln tonnadan astam kómir eksporttady
Munaı sektory shyǵynǵa ushyraǵanymen, eldiń kómir ónerkásibi bıylǵy jyly koronakrızıstiń qatty soqqysyn sezinbedi. Qazaqstan jyl basynan beri 18 mıllıon tonnadan astam kómir eksporttaǵan. Dál osyndaı kólemder ótken jyly shetelge satylǵan edi. Bul týraly Indýstrııa jáne ınfraqurylymdyq damý mınıstrliginiń bas sarapshysy Saıat Isatov málimdedi.
Onyń aıtýynsha, pandemııa jetkizilimge is júzinde áser etken joq. Negizgi ótkizý naryqtary da sol qalpynda qaldy. Bıylǵy jyly kompanııalar tipti Reseıge otyn satýdy kóbeıtti. Elimizde barlyǵy 69 mıllıon tonna kómir óndirildi. Jyl sońyna deıin kólem 107 mıllıonǵa deıin artady. Onyń basym bóligi ishki naryqqa ketedi.
Baǵa kartasy: jylqy eti qansha turady
Inflıasııaǵa baılanysty qazaqstandyqtardyń shyǵyndarynyń jartysynan kóbi azyq-túlik shyǵyndaryn quraıdy. LS iskerlik portaly habarlaǵandaı, et jáne et ónimderine otbasylyq bıýdjettiń besten bir bóligi ketedi. Bizdiń "baǵa kartasy" aıdarynda elimizdiń óńirlerinde jylqy etiniń kılogrammy qansha turatynyn anyqtadyq.
Kókshetaýda myń jeti júz teńgeden bastalady. Qaraǵandyda et 100 teńgege qymbattady. Nur-Sultanda jylqy eti 1900 jáne odan joǵary. Shymkentte - 2000 teńge. Qyzylordadaǵy et baǵasy da osyndaı. Eń qymbat jylqy eti elimizdiń batysynda – Atyraýda eki jarym myńnan bastalady.
AQSh bıýdjetiniń tapshylyǵy rekordtyq deńgeıge jetti
Bıylǵy jyly AQSh bıýdjetiniń tapshylyǵy rekordtyq úsh trıllıon dollarǵa jetti. Teris saldo úsh ese ósti.
Bul jaǵdaı pandemııa kezinde shtat Úkimetiniń úlken shyǵyndaryna baılanysty boldy. Bıýdjet shyǵyndary 45% - ǵa artyp, 6 trıllıon dollardan asty. Bıýdjetke túsetin túsimder, kerisinshe, osy somanyń jartysyn ǵana qurady.
Sarapshylardyń pikirinshe, AQSh bıýdjetiniń mundaı úlken tapshylyǵy aldaǵy birneshe jylda saqtalady. Úkimettik qaryzdardyń tómen paıyzdyq mólsherlemeleri jaǵdaıdy jumsartady. Sonymen qatar, Amerıkada salyq túsimderi tez qalpyna keledi.
