Qazaqstan Respýblıkasynyń Prezıdenti Qasym-Jomart Toqaevtyń "Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi dep esepteımin. Biraq mundaı dárejege jetý úshin bárimiz dańǵaza jasamaı, jumyla jumys júrgizýimiz kerek" - degen sózi jastarǵa qýat berdi.
"Qazaqstan Respýblıkasyndaǵy til saıasatyn iske asyrýdyń 2020-2025 jyldarǵa arnalǵan memlekettik baǵdarlamasynyń" negizinde úsh tildi meńgertýge basymdyq berildi.
Qazaqstan halqy tilderi kúni aıasynda jastar arasynda til mádenıetin, halyqaralyq qarym-qatynas quraly tilderdi jastardyń meńgerý deńgeıin baıqaý arqyly anyqtaý. Jastardyń kóp tildi meńgerýge degen qyzyǵýshylyqtaryn arttyrý, til mádenıetin jetildirýdi maqsat etedi.
Qazaq tili – memleket quraýshy ulttyń tili, memlekettik til, ishinara basqa ult ókilderimen ózara túsinisý, qarym-qatynas tili, BAQ arqyly aqparat alý tili, basqa tilderdi úırený úshin bazalyq til. Orys tili – elimizdegi ózge etnostarmen qatynas tili jáne aqparat pen ǵylymnyń tili. Aǵylshyn tili – búginde halyqaralyq qatynastyń, ǵylym men tehnıkanyń, bıznes pen aqparattyń negizgi tili.
Onlaın-baıqaýǵa Nur-Sultan, Almaty, Shymkent qalalarynan jáne 14 oblystan iriktelgen 21 men 35 jas aralyǵyndaǵy 16 úsh tildi meńgergen úmitker jastar báıgige túsedi.
Onlaın-baıqaý "Eltanym", "Sóztanym", "Oıtanym" kezeńderi boıynsha úmitkerlerdiń biliktiligin anyqtaıdy.
Is-sharaǵa tikeleı efır arqyly qatysqan úmitkerlerdiń ónerin baǵalaý olardyń tilderdi meńgerý deńgeıi, jaýaptyń mazmundylyǵy men ereksheligi, úsh tilde orfoepııalyq turǵydan taza sóıleýi baǵalanady.
Qazylar alqasynyń sheshimine sáıkes qatysýshylar dıplomdarmen, alǵyshattarmen jáne de aqshalaı syılyqtarmen marapattalady.
Baılanys telefondary: 8 (7172) 74-05-23, 74-08-77, 27-30-43
